Í tilefni nýrrar kartöfluuppskeru í verslanir og á veitingaborð landsmanna bauð Sölufélag garðyrkjumanna fjölmiðlafólki upp á að smakka nýju uppskeruna. Landsliðskokkarnir Ylfa Helgadóttir á Kopar og Georg Arnar Halldórsson á Sumac sáu um að elda kartöflurnar á nýstarlegan og gómsætan máta.
Valið á staðsetningu er táknrænt, en kartöflugeymslurnar voru teknar í notkun 1. október 1946, en þá réðst Jóhannes G. Helgason, athafnamaður í Reykjavík, í það verkefni að kaupa sjö bragga af bandaríska hernum sem staðsettir voru í Hvalfirði, flutti þá til Reykjavíkur og gróf þá inn í Ártúnsbrekkuna. Þar hefur framhlið þeirra verið sýnileg þeim vegfarendum sem um Ártúnsbrekkuna fara síðan.
Nú standa yfir miklar framkvæmdir í kartöflugeymslunum, en eigandinn og innanhússarkitektinn Kristinn Brynjólfsson mun opna þar hönnunar- og listamiðstöð ásamt glæsilegum veitingastað. Stefnt er að opnun í október og nánar má fræðast um verkefnið á hlm.is.
Á heimasíðunum sfg.is og matartiminn.is má fræðast meira um kartöflur, finna kartöfluuppskriftir og fleira.
Kampakátir með kartöflur Útvarpsmennirnir Þorgeir Ástvaldsson og Ásgeir Páll Ágústsson ásamt Gunnlaugi Karlssyni framkvæmdastjóra SFG voru kampakátir með uppskeruna og fóru útvarpsmennirnir heim með poka.
Kartöflubændur Hjónin Anna Guðbergsdóttir og Kristján Gestsson hafa ræktað kartöflur í yfir 40 ár á Forsæti IV í Flóahreppi.
Gæðadrengir Hjónin Albert Eiríksson og Bergþór Pálsson alltaf brosmildir og flottir. Vinur þeirra Kjartan Steindórsson, sem er búsettur í Þýskalandi, mætti með til að gæða sér á íslensku kartöflunum. Albert og Bergþór standa nú í „ströngu“ við að baka og smakka uppskriftir fyrir kökubækling Nóa Siríus, sem Albert sér um í ár.
Framkvæmdamenn Gunnlaugur Karlsson framkvæmdastjóri SFG og Kristinn Brynjólfsson innanhússarkitekt og eigandi hússins buðu gesti velkomna, sögðu frá uppskerunni og þeim framkvæmdum sem nú eiga sér stað í kartöflugeymslunum í Ártúnsholti.
Fulltrúar SFG Kristín Linda Sveinsdóttir markaðsstjóri og Birgir R. Reynisson matreiðslumaður hjá SFG tóku vel á móti gestum og fræddu þá um kartöflur og uppskeruna.
Meistaramatreiðslumenn Ylfa Helgadóttir yfirmatreiðslumeistari á Kopar og Georg Arnar Halldórsson matreiðslumaður á Sumac töfruðu fram kartöflukræsingar af fagmennsku.
Viðtal á mynd Þorbjörn Þórðarson Stöð 2 tekur viðtal við Kristján Gestsson kartöflubónda.
Kartöflur í nýjum búningi Georg Arnar Halldórsson matreiðslumaður á Sumac og meðlimur Kokkalandsliðs Íslands bauð upp á annars vegar kartöflur með sambal chilisósu og möndlum og hinsvegar með brenndu smjöri og hangikjötsfroðu.
Kartöfluspjall Kjartan og Gunnlaugur líta ekki upp frá kræsingunum, meðan þeir spjölluðu um daginn og veginn.
Brugðið á leik Einar Bárðarson, Þorgeir Ástvaldsson og Ásgeir Páll Ágústsson eru allir miklir grallarar og brugðu á leik fyrir ljósmyndarann.
Kartöfluréttur Georgs Arnars Kartöflur með sambal chilisósu og möndlum að hætti Georgs Arnars.
Tveir vinir Einar Bárðarson og Ásgeir Páll Ágústsson eru með tvö flottustu kartöflunef landsins eins og Einar henti fram í gríni.
Kartöfluréttur Ylfu Ylfa Helgadóttir yfirmatreiðslumeistari á Kopar bauð upp á kartöfupressu. Kartöflunum er velt upp úr söldufti og smjöri, settar í box og pressaðar niður, undir er smjördeigspizza með gráðosti, döðlum og sveppum, sveppakrem og sinnep.
Kokkað af list Kokkarnir Ylfa og Georg elduðu gómsætar kræsingar fyrir gesti, sem voru bæði fallegar fyrir augað og góðar í munni.
Ný uppskera Gestir voru leystir út með góðri gjöf, nýrri uppskeru á íslenskum kartöflum.