Ný gríma komin upp hjá Sveini og Viðari

Viðar og Sveinn og gríman sem stolið var á Menningarnótt.
Gríman sem var stolið Viðar og Sveinn og gríman sem stolið var á Menningarnótt.

DV greindi frá því í lok ágúst að grímu hefði verið stolið af húsvegg hjónanna Viðars Eggertssonar leikara og Sveins Kjartanssonar, matreiðslumaður og eigandi AALTO Bistro á menningarnótt.

Um var að ræða vegggrímu sem Viðar hafði keypt í skranverslun fyrir 25 árum og taldist listaverk bæði í þeirra augum og fjölmargra vegfarenda um Laufásveginn, sem iðulega stoppuðu og mynduðu grímuna. Þrátt fyrir að hafa auglýst eftir grímunnu var henni ekki skilað.

Í gær bars hins vegar til tíðinda því einhver góðhjartaður samborgari þeirra hefur tekið sig og fest upp nýja grímu á húsi þeirra.

Ný gríma skilaði sér á vegginn.
Ný gríma Ný gríma skilaði sér á vegginn.

„Einhver miskunnsamur og góðhjartaður samborgari aumkvaði sig yfir okkur í nótt eða í morgun og festi upp nýja grímu hjá okkur! Því gríman sem stolið var frá okkur aðfararnótt Menningarnætur hefur ekki skilað sér heim. Þessi nýja er ekki eins, hún er aðeins minni, en falleg er hún líka. Hver var svona hugulsamur?,“ segir Viðar á Facebooksíðu sinni.

Kunna þeir gefandanum bestu þakkir fyrir grímuna.

Ný gríma prýðir nú vegginn á Skurn, herrasetri Sveins og Viðars.
Gríma prýðir aftur Skurn Ný gríma prýðir nú vegginn á Skurn, herrasetri Sveins og Viðars.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.