Meistarar dauðans snúa baki við Spotify

Ragna Gestsdóttir
Þriðjudaginn 7. ágúst 2018 18:00

Hljómsveitin Meistarar dauðans safnar nú fyrir útgáfu á annarri plötu þeirra, Lög þyngdaraflsins, á Karolinafund.

Hefur hljómsveitin ákveðið að setja plötuna hvorki á Spotify né aðrar streymisveitur nema stöku lag í kynningarskyni.

Fyrir því eru nokkrar ástæður, segja hljómsveitarmeðlimir í tilkynningu sem þeir hafa sent frá sér:

Spotify fer illa með hópfjármögnun

Við stólum annars vegar á að áhugi og velvild almennings standi undir miklum hluta kostnaðar í gegnum hópfjármögnun. Hins vegar gefa streymisveitur eins og Spotify hverjum sem er aðgang að nánast ótakmarkaðri tónlist og fyrir lítinn sem engan pening sem dekkar svo aftur engan kostnað.

Hvers vegna ættu stuðningsaðilar okkar að vera í þeirri stöðu að kjósa á milli þess að leggja pening í fjármögnun eða bíða bara og vona að aðrir borgi? Af þessu leiðir að færri taka þátt og við verðum því að biðja hvern og einn um meira sem er svo enn ósanngjarnara sérstaklega ef við gefum svo plötuna ókeypis næsta dag.

Tónlistarfólk fær lítið sem ekkert út úr Spotify

Fyrsta platan okkar, „Meistarar dauðans“ hefur verið aðgengileg á Spotify síðan hún kom út eða í rúm 2 ár. Lög af henni eru með um það bil 30.000 spilanir en við höfum einungis fengið 10.000 krónur greiddar fyrir það allt í allt. Ein króna fyrir hverjar þrjár spilanir.

Gríðarleg vinna og tími fer í það að læra á hljóðfæri, semja tónlist og framleiða plötu. Við í Meisturum dauðans höfum ausið tíma og pening í menntun og æfingar og leggjum mikla vinnu í lög, texta og útsetningar. Fyrir utan þann kostnað þurfum við að leggja að lágmarki 1-2 milljónir í upptökur og vinnslu á alvöru stúdíóplötu, umslag, útgáfu og kynningar.

Heil plata borgar sig seint fyrir 10.000 kr. annað hvert ár.

Óæskileg þróun fyrir tónlist og tónlistarfólk

Kerfið sem hefur þróast stuðlar þannig að verksmiðjuframleiðslu tónlistar, þar sem krónur á mínútu skipta meira máli en gæði á mínútu. Það leiðir aftur til áherslu á formúluvinnu og sjálfvirkni sem rímar mjög illa við að hópfjármagna metnaðarfulla hljómplötu með vel spilandi hljómsveit á bak við sig.

Minna verður lagt í listræna sýn og þróun hugmynda og hæfileika í tónlist ef lítið eða ekkert er greitt  fyrir sköpun hennar. Það leiðir sjálfkrafa til minni gæða í og við höfum, sem hljómsveit, einfaldlega ákveðið að það samræmist ekki okkar sýn.

Styrkja má útgáfu Lög Þyngdarafslins á Karolinafund hér, en söfnuninni lýkur á miðnætti nú á miðvikudagskvöld.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433
Fyrir 8 klukkutímum

Manchester United hafði samband við lögregluna – City gæti verið í veseni

Manchester United hafði samband við lögregluna – City gæti verið í veseni
Lífsstíll
Fyrir 8 klukkutímum

Klifurhúsið: Það er engin leið að hætta að klifra

Klifurhúsið: Það er engin leið að hætta að klifra
Matur
Fyrir 9 klukkutímum

Léttist um tæplega áttatíu kíló: Hér er leyniuppskriftin hennar

Léttist um tæplega áttatíu kíló: Hér er leyniuppskriftin hennar
433
Fyrir 9 klukkutímum

Sár því hann fær ekki að mæta Ronaldo í kvöld

Sár því hann fær ekki að mæta Ronaldo í kvöld
Fréttir
Fyrir 9 klukkutímum
Veiparar Íslands
Lífsstíll
Fyrir 10 klukkutímum

Dekraðu við þig á Snyrtistofunni Dimmalimm

Dekraðu við þig á Snyrtistofunni Dimmalimm
433
Fyrir 10 klukkutímum

Stóðst ekki væntingar hjá Manchester United – ,,Þetta gerðist of hratt“

Stóðst ekki væntingar hjá Manchester United – ,,Þetta gerðist of hratt“
433Sport
Fyrir 12 klukkutímum

Hörður ræðir erfiða tíma hjá FH – ,,Óli Jó gaf skít í þessa pabba-pólitík“

Hörður ræðir erfiða tíma hjá FH – ,,Óli Jó gaf skít í þessa pabba-pólitík“
Lífsstíll
Fyrir 12 klukkutímum

Thai Nuddstofan: Aldagamlar aðferðir, ótrúleg virkni

Thai Nuddstofan: Aldagamlar aðferðir, ótrúleg virkni