Hinn margverðlaunaði Los Angeles Children’s Chorus gestur Alþjóðlegs orgelsumars í kvöld- Frumflytja verk eftir Daníel Bjarnason

Ragna Gestsdóttir
Mánudaginn 2. júlí 2018 09:00

Los Angeles Children’s Choir, sem hefur hlotið mikið lof fyrir einstakan „bel canto“ söng sinn er gestur Listvinafélags Hallgrímskirkju og Alþjóðlegs orgelsumars 2018 í kvöld kl. 20.

Kórinn, sem kemur við hér á leið sinni í tónleikaferðalag til Noregs hefur fengið frábærar umsagnir meðal annars frá heimsþekktum tónlistarmönnum eins og Esa- Pekka Sallonen og Placido Domingo.

Kórinn var stofnaður árið 1986 en frá 1996 hefur Anne Tomlinson stjórnað kórnum og með þessari ferð lýkur störfum hennar með LACC kórnum, sem hefur náð ótrúlegum listrænum árangri undir hennar stjórn síðastliðin 22 ár.

Kórinn heldur jafnan tónleika á sínum eigin vegum en hefur einnig reglulega komið fram með frægum hljómsveitum eins og Los Angeles Philharmonic, Hollywood Bowl Orchestra, kammersveit LA og LA óperunni. Kórinn hefur ferðast til Suður og Norður Ameríku, Ástralíu, Kúbu, Japan, Nýja Sjálands, Afríku og Evrópu.

Árið 2014 hlaut kórinn Margaret Hillis Award for Choral Excellence, sem eru æðstu verðlaun sem kór getur hlotnast í USA. Þá hefur kórinn komið oft fram í sjónvarpi og útvarpi og sungið inn á fjölmargar upptökur meðal ananrs hjá Decca og með Placido Domingo hjá Deutsche Grammophon.

Á tónleikunum í Hallgrímskirkju verður frumflutt verk eftir Daníel Bjarnason, sem kórinn pantaði í tilefni af tónleikaferð sinni.

Lára Bryndís Eggertsdóttir leikur á Klais- orgelið með kórnum í nokkrum verkum, meðal annars Slá þú hjartans hörpustrengi eftir J.S. Bach, en píanóleikari kórsins Twyla Meyer er líka með í för.

Einnig kemur fram hópur ungmenna undir nafni „Hallgrímskirkja Youth Ensemble,“ en þau koma úr nokkrum kórum á höfuðborgarsvæðinu og syngja með kórnum í 2 lögum. Ása Valgerður Sigurðardóttir barnakórstjóri hefur þjálfað þau fyrir þessa tónleika.

Miðaverð er 2.500 kr og er miðasala við innganginn klst. fyrir tónleikana. Einnig eru miðar seldir á midi.is. Ókeypis er fyrir börn á tónleikana.

 

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 klukkutímum

Elsti skjólstæðingur Fjölskylduhjálpar Íslands er 97 ára – Geta líklega ekki aðstoðað alla sem þurfa aðstoð fyrir jólin

Elsti skjólstæðingur Fjölskylduhjálpar Íslands er 97 ára – Geta líklega ekki aðstoðað alla sem þurfa aðstoð fyrir jólin
Fréttir
Fyrir 3 klukkutímum

Greiddu 280 milljónir fyrir að fara upp í Hallgrímskirkjuturn

Greiddu 280 milljónir fyrir að fara upp í Hallgrímskirkjuturn
Pressan
Fyrir 4 klukkutímum

Unglingspilturinn skotinn og stunginn í Stokkhólmi

Unglingspilturinn skotinn og stunginn í Stokkhólmi
433
Fyrir 11 klukkutímum

Ótrúleg endurkoma Sviss – Skoruðu fimm gegn besta landsliði heims

Ótrúleg endurkoma Sviss – Skoruðu fimm gegn besta landsliði heims
Pressan
Fyrir 12 klukkutímum

Sífellt fleiri tilfelli banvæns krabbameins í Evrópu – Meðallíftíminn er fjórir og hálfur mánuður frá greiningu

Sífellt fleiri tilfelli banvæns krabbameins í Evrópu – Meðallíftíminn er fjórir og hálfur mánuður frá greiningu
433Sport
Fyrir 13 klukkutímum

Ræddi við vin sinn um Eið Smára og endaði á forsíðunni – ,,Við erum engir vinir en engir óvinir“

Ræddi við vin sinn um Eið Smára og endaði á forsíðunni – ,,Við erum engir vinir en engir óvinir“
Bleikt
Fyrir 13 klukkutímum

Að koma kvíðabarni í skólann – Góð ráð frá Katrínu Ósk

Að koma kvíðabarni í skólann – Góð ráð frá Katrínu Ósk