Fókus

Kennir Weinstein um dauða fyrrverandi umboðskonu sinnar

Steingerður Sonja Þórisdóttir
Þriðjudaginn 13. febrúar 2018 20:30

Leikkonan Rose McGowan, sem á síðasta ári þótti sýna mikið þor þegar hún steig fram með ásakanir um nauðgun á hendur kvikmyndaframleiðandanum Harvey Weinstein, gefur sterklega í skyn í nýrri Instagram-færslu að gjörðir Weinsteins séu stór partur af ástæðunni fyrir því að umboðkonan Jill Messick kaus að taka líf sitt.

Fjölskylda Jill telur þó að ásakanir McGowan á opinberum vettvangi á hendur Messick hafi orsakað að hún sökk í frekara þunglyndi, sem hún hafði barist við í mörg ár. Átti Messick víst gífurlega erfitt með að vera ýtt í sviðljósið á þennan hátt og leið eins og peði í deilum McGowan og Weinstein í fjölmiðlum.

McGowan hafði áður sakað Messick um að hafa haft fulla vitneskju um alvarleika brota Weinstein gegn sér sem Messick þvertók fyrir að hafa gert.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af