fbpx
Miðvikudagur 12.desember 2018
Fókus

Þrisvar út á svalir til að sefa mannfjöldann

Orðabanki Birtu: Að sefa, róa og milda

Margrét Gústavsdóttir
Sunnudaginn 21. janúar 2018 06:00

Sögnin „að sefa“ þýðir að milda eða lina einhvers konar tilfinningalegt uppnám. Fullorðið fólk reynir oft að sefa eigin sorgir og þjáningar með því að borða mikinn mat, neyta áfengis eða jafnvel hreyfa sig mikið (sbr. Forrest Gump þegar hann hljóp af sér ástarsorgina). Þetta þykir almennt ekki tíðindum sæta fyrr en sefunartilburðirnir fara úr böndunum, svo úr verður það sem í almennu tali er kallað fíkn eða fíknarhegðun.

„Ég bragða, skynja, skil“

Karlkynsorðið sefi merkir hugur eða geð. Orðið er stundum talið í ætt við latneska orðið sapiō sem þýðir „ég bragða, skynja, skil“.

Orðið sefasýki er notað yfir geðsjúkt ástand með líkamlegum einkennum sem viðbrögð við tilfinningalega erfiðri reynslu en þetta getur lýst sér með máttleysi, svima eða jafnvel lömun og sefjun er sálrænt ferli þar sem hugmynd eða skoðun (annars manns) er meðtekin án þess að rökum, fortölum, skipunum eða nauðung sé beitt. Í íslensku alfræðiorðabókinni er útskýrt að sefjun sé vísviljandi beitt í sumum tilfellum, til dæmis í auglýsingum, og að þekktasta gerð sefjunar sé dáleiðsla.

Samheiti:

blíðka, deyfa, draga úr, hægja, létta, líkna, lægja, milda, minnka, mýkja, sefa, slaka á, svía; hlýna

London – Miðvikudagurinn 15. ágúst 1945

Georg 6. Bretakonungur setti breska þingið í dag. Að venju lýsti hann við það tækifæri stefnu ríkisstjórnarinnar í aðalatriðum. Sagði konungur, að alt kapp yrði lagt á það, að heimflutningi breskra stríðsfanga í Austurálfu yrði hraðað sem mest. Lögð yrðu fyrir þingið frumvörp um endurskoðun iðnreksturs Bretlands og aukna útflutningsverslun.
Myndi í þessum efnum verða gripið til aukins eftirlits eða þjóðnýtingar. Englandsbanki yrði þjóðnýttur, svo og kolanámur landsins.

Þá yrðu gerðar ráðstafanir til þess að bæta úr húsnæðisvandræðunum í landinu. Yrði hafist handa um skipulagðar húsasmíðar og framleiðslu byggingarefna. Þá yrði komið á víðtækri fjelagsmálalöggjöf. Heilbrigðismálalöggjöf landsins yrði látin koma til framkvæmda. Stjórnin myndi vinda að því bráðan bug, að Indland fengi sjálfsstjórn. Loks myndi bráð- lega þess vera farið á leit við þingið, að það staðfesti skipulagsskrá hinna sameinuðu þjóða, sem gerð var á ráðstefnunni í San Francisco.

Konungshjónin hylt

Geysilegur mannfjöldi hylti konungshjónin fyrir utan þinghúsið, er þau komu þangað og fóru þaðan. Fyrir utan konungshöllina safnaðist mikið mannhaf síðar um daginn.

Urðu konungshjónin að koma þrisvar út á hallarsvalirnar til þess að sefa mannfjöldann.

Attlee forsætisráðherra og þrír yfirmenn herforingjaráðs Breta gengu á fund konungs og báru fram heillaóskir sínar í tilefni sigursins. Skömmu síðar gekk Churchill, forvígismaður stjórnarandstöðunnar, fyrir konung í sömu erindagerðum.
(Tímarit.is)

Margrét Gústavsdóttir
....er félagi nr. 241 hjá Blaðamannafélagi Íslands.
Hún hefur m.a. starfað við sjónvarp og útvarp og verið vinsæll bloggari í gegnum árin.

margret@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 18 klukkutímum

Kristín Þóra valin í Shooting Stars 2019 – „Sýnir mjög djúpa innsýn og skilning á hlutverkum sínum“

Kristín Þóra valin í Shooting Stars 2019 – „Sýnir mjög djúpa innsýn og skilning á hlutverkum sínum“
Fókus
Fyrir 19 klukkutímum

Vertu með í jóladagatali HIITFIT – Brjóttu upp kyrrsetuna

Vertu með í jóladagatali HIITFIT – Brjóttu upp kyrrsetuna
Fókus
Fyrir 20 klukkutímum

Stjórnin gefur út sitt fyrsta jólalag – Enn ein jól

Stjórnin gefur út sitt fyrsta jólalag – Enn ein jól
Fókus
Í gær

Guðrún Dröfn fann upprunann á verndarsvæði

Guðrún Dröfn fann upprunann á verndarsvæði
Fókus
Í gær

Jodie Foster tekur við af Halldóru sem Halla – „Ég get ekki beðið eftir að leika hana“

Jodie Foster tekur við af Halldóru sem Halla – „Ég get ekki beðið eftir að leika hana“
Fókus
Í gær

Linda Pé var dómari í Ungfrú Heimur 2018

Linda Pé var dómari í Ungfrú Heimur 2018
Fókus
Í gær

Margir minnast Einars Darra: „Hann var með bros sem lýsti upp allt í kringum hann“

Margir minnast Einars Darra: „Hann var með bros sem lýsti upp allt í kringum hann“