Gunnar Þorsteinsson oft kenndur við Krossinn varpar fram þeirri spurningu hvort hann sé kúgaður. Eiginkona hans, líkamsræktarfrömuðurinn Jónína Benediktsdóttir sem hefur rekið detox meðferðastöð í Póllandi um áraraðir við góðan orðstír heldur eiginmanninum við efnið ef marka má Facebook-síðu hans. Tekið skal fram að skrif Gunnars eru öll sett fram á léttu nótunum en dagsplan Gunnars er nokkuð stíft Gunnars og er eftirfarandi:
Dagsplanið þitt:
Klára að lesa Moggann (mest skrif Davíðs) með kaffinu.Sund, 45 mín. skrið, heitur pottur og köld kerlaug.
Hádegismatur og spjall við flugstjórann.
Skoða auglýsingarnar í Fréttablaðinu.
Hringja til Póllands.
Fara með mér í Bónus.
Sitja í sólinni og undirbúa nýja hnjáskiptaaðgerð, á hinum fætinum.
Lesa fyrir mig leiðara Moggans.
Drekka 6 glös af vatni jafnt yfir daginn.
Bænastund.
Umræða um meðvirkni út frá Píu Mellody, þú talar í 10 mín og ég í 10 mín.
Kvöldmatur, fiskur fiskur fiskur alla vikuna. Ekki meira kjöt.
Fréttir á öllum stöðvum og rásum (sömu fréttirnar)
Vera þakklátur fyrir mig sem elda svo góðan mat og þvæ þvottinn.
Það væri líka ágætt ef þú hentir inn einni predikun á netið. Að vísu hlusta svona um 1500 manns á þig í hvert skipti sem er með stærri „kirkjum“ á Íslandi.
Ekki kemur fram í hinni skemmtulegu en ítarlegu dagskrá hvort Gunnar fái einhvern frjálsan tíma. Þá hafa flestir vina þeirra hjóna bent Gunnari á að hann sé ekki kúgaður heldur vel giftur. Einn vina þeirra segir:
„Það er bara einn skipstjóri á hverju skipi, skipstjórinn á þínu skipi Gunnar er skipulagður, réttsýnn og góður kokkur, held að þú sért fullkominn fyrsti stýrimaður.“
Jónína svarar svo Gunnari í þræðinum og segir að hún hafi sent honum dagskrána í trúnaði en bætur svo við á öðrum stað:
„Held að Gunnari takist að fá vorkunn frá ýmsum konum sem sjá ekki að þetta er þroskaferli hahaha.“