Stan Lee, hasarblaðakóngur og annar stofnandi myndasögufyrirtækisins Marvel, er látinn, 95 ára að aldri.
Lee þótti vera einn dáðasti framleiðandi teiknimyndasagna frá upphafi. Hermt er að hann hafi andast á á hjúkrunarheimili í Los Angeles í morgun en síðustu ár hafði hann átt við veikindi að stríða.
Höfundurinn átti að baki langan og farsælan feril hjá Marvel. Eftir hann liggja ótal sögur og myndir um ofurhetjur á borð við Köngulóarmanninn, Járnmanninn og X-mennina, svo nokkur dæmi séu nefnd. Lee stofnaði Marvel ásamt Jack Kirby árið 1961 með útgáfu Fantastic Four.
Lee kom einnig reglulega fram í sérstökum gestahlutverkum, bæði í sjónvarpsþáttum og bíómyndum frá Marvel og víðar. Flest þeirra má sjá að neðan.
