Valur vann sterkan sigur í Pepsi-deild karla í kvöld er liðið fékk ÍBV í heimsókn í 20. umferð sumarsins.
Valur lenti óvænt undir í fyrri hálfleik er Atli Arnarson kom boltanum í netið fyrir ÍBV og staðan 1-0 í leikhléi.
Valsmenn tóku hins vegar öll völd á vellinum í síðari hálfleik og skoruðu fimm mörk og unnu 5-1 sigur.
Hér má sjá það góða og slæma úr leiknum.
Plús:
Þvílík endurkoma, Valsmenn! Fjögur mörk á tíu mínútum er virkilega vel gert. Tóku öll völd á vellinum.
Patrick Pedersen er orðinn markahæsti leikmaður deildarinnar með 16 mörk.. Hann gerði þrennu í dag.
ÍBV spilaði vel í fyrri hálfleik og fá hrós fyrir það. Það er hins vegar annað mál hvernig liðið mætti til leiks í þeim síðari.
Ólafur Jóhannesson, þjálfari Vals, hefur verið öskuillur í leikhléi, ég trúi ekki öðru. Það skilaði sér.
Í síðari hálfleik sást hversu gott fótboltalið Vals er. Þeir spiluðu eins og sigurinn hafi aldrei verið í hættu.
Mínus:
Ég skil það vel að Kristján Guðmundsson hafi brjálast á hliðarlínunni eftir þriðja mark Vals. Var gríðarlega óánægður með sína menn.
Andlega hliðin hjá ÍBV getur ekki verið svona veik. Þeir opnuðu sig alveg eftir fyrsta markið og leyfðu Val að gera allt mögulegt á vellinum.
Dion Acoff er flottur leikmaður en úff hvað hann þarf að æfa sig fyrir framan markið. Fékk bestu færi Vals í fyrri hálfleik en klikkaði oft.
ÍBV hefur aðeins skorað 22 mörk í sumar, það er of lítið miðað við gæðin sem þeir eru með. Til samanburðar hafa Valsmenn skorað 45 mörk.
Kristján öskraði á Sindra Snæ Magnússon, fyrirliða, eftir að sá síðarnefndi var tekinn af velli. Ástríðan er svo sannarlega til staðar en eitthvað fór úrskeiðis í dag.