Hörður Snævar Jónsson skrifar frá Volgograd:
Ísland mátti þola tap í öðrum leik sínum á Heimsmeistaramótinu í Rússlandi í dag. Liðið tapaði 2-0 í Volgograd fyrir Nígeríu.
Leikur Íslands hefur oft verið betri en Heimir Hallgrímsson fór í 4-4-2 leikkerfið fyrir leikinn.
Ahmed Musa skoraði fyrra mark Nígeríu snemma í síðari hálfleik þegar íslenska liðið opnaði sig. Hann refsaði svo aftur síðar í leiknum.
Gylfi Þór Sigurðsson klikkaði svo á vítaspyrnu sem Alfreð Finnbogason fiskaði.
Einkunnir úr leiknum eru hér að neðan.
Hannes Þór Halldórsson 6
Gerði sig ekki sekan um nein mistök í leiknum og gat ekkert gert í mörkunum
Birkir Már Sævarsson 5
Var ekki að eiga sinn besta leik eins og aðrir í liðinu.
Ragnar Sigurðsson (´65) 6
Stóð vaktina í vörninni vel, höggið þunga á höfuðið varð til þess að hann fór af velli
Kári Árnason 5
Fínn framan af en það dróg mikið af honum í leiknum og átti hann ekki séns í öðru marki Nígeríu.
Hörður Björgvin Magnússon 4
Var ekki í stöðu í marki Nígeríu, var mættur fram og skildi mikið pláss eftir á hægri væng Nígeríu sem þeir nýttu sér.
Rúrik Gíslason 4
Tókst ekki að koma inn af þeim krafti sem vonaðist hafði verið eftir, komst lítið áleiðis.
Aron Einar Gunnarsson (´87) 5
Var í fínu lagi framan af leik en síðan kláraðist bensínið á tanktnum og þá var þetta ekki gott.
Gylfi Þór Sigurðsson 6 – Maður leiksins
Besti leikmaður Íslands úti á vellinum en vítaspyrnan var hræðileg.
Birkir Bjarnason 5
Það fór lítið fyrir Birki, duglegur í varnarvinnu en lítið fram á við.
Alfreð Finnbogason 6
Gerði vel í að fiska vítaspyrnuna og var manna hættulegastur í liðinu.
Jón Daði Böðvarsson (´71) 4
Kom ekki inn með þann kraft og þau gæði sem við þurftum.
Varamenn:
Sverrir Ingi Ingaosn (´65) 5
Kom inn í hjartað og skilaði ágætis verki.