Wesley Sneijder, fyrrum leikmaður Inter Milan og Real Madrid, spilar með liði Al-Gharafa í Katar í dag.
Sneijder er kominn á seinni árin í boltanum en hann er 34 ára gamall og kom til Katar fyrr á árinu.
Fyrir það stoppaði Sneijder stutt hjá Nice í Frakklandi en lék áður með Galatasaray í fimm ár.
Hann er búinn að spila sinn síðasta leik í Katar ef marka má orð hans eftir 2-0 sigur á Quatar SC á dögunum.
Sneijder gerði bæði mörk Al-Gharafa í leiknum en fékk svo að líta rauða spjaldið undir lok leiksins.
,,Þetta var síðasti leikurinn minn í Katar,“ sagði Sneijder reiður er hann gekk af velli undir lokin.
Myndband af atvikinu má sjá hér.
MAD: Wesley Sneijder was sent off for Al-Gharafa today, claiming repeatedly as he walked off “This is the last game I play in Qatar!” pic.twitter.com/7OEeRGbgfe
— Ahdaaf (@ahdaafme) 9 November 2018
