Tilfinningarnar voru í aðalhlutverki á King Power vellinum í dag þar sem Leicester City tók á móti Burnley.

Um var að ræða fyrsta heimaleik Leicester síðan eigandi félagsins, Vichai Srivaddhanaprabha lét lífið í þyrluslysi.

Þetta var ekki fyrsti leikur Leicester eftir slysið en liðið hafði áður spilað við Cardiff City á útivelli.

Srivaddhanaprabha var kvaddur af stuðningsmönnum og leikmönnum í dag fyrir leik sem endaði með markalausu jafntefli.

Mögnuð mynd var tekinn á vellinum í dag þar sem má sjá regnboga skína yfir völlinn og yfir mynd af eigandanum sem sást á risaskjá.

Sjón er sögu ríkari en sumir vilja meina að um einhvers konar ‘merki’ sé að ræða.