Paulo Dybala, leikmaður Juventus, neitar því að hann hafi móðgað Jose Mourinho, stjóra Manchester United í vikunni.

Dybala ræddi við Mourinho eftir 2-1 sigur United gegn Juventus í Meistaradeildinni en Portúgalinn var himinlifandi eftir leikinn.

Mourinho ögraði stuðningsmönnum heimaliðsins sem létu hann heyra það reglulega yfir leiknum.

,,Ég sagði bara að þetta látbragð hans væri óþarfi og að hann gæti sleppt þessu,“ sagði Dybala.

,,Það var óþarfi að skapa verra andrúmsloft en var nú þegar. Stundum ertu móðgaður og það er slæmt en að gera það verra..“

,,Ég sagði honum að þetta væri ekki nauðsynlegt. Ég móðgaði hann ekki, ég sagði þetta við hann og fór.“