Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Næsti gestur þáttarins er þjálfari HB í Færeyjum, Heimir Guðjónsson sem var lengi þjálfari FH hér heima.

Heimir fer á meðal annars yfir hans helstu kosti og galla og viðurkennir eitt sem gerir hann mögulega sérstakan.

Heimir segir að hann eigi það til að sýna leikmönnum sínum of mikla tryggð ef þeir hafa staðið fyrir sínu í mörg ár.

,,Já. Það er einn af mínum kostum og göllum, ég var bara alinn þannig upp,“ sagði Heimir.

,,Að menn sem geri góða hluti fyrir þig og standi sig vel, ég sem stjórnandi þá ertu bara með menn í vinnu. Þá er ég kostur og galli.“

,,Ég á það til að vera of ‘loyal,’ bætti Heimir við en hann notaði marga sömu leikmennina í Krikanum á sínum tíma þar.