Kærunefnd útlendingamála hefur fellt úr gildi ákvörðun Lögreglustjórans á Suðurnesjum um að vísa bandarískum manni frá landinu. Maðurinn var að eigin sögn kominn til landsins til að leita sér að vinnu og ætlaði að búa hjá kærustu sinni.
Kærunefnd útlendingamála hefur staðfest ákvörðun Útlendingastofnunar um að vísa manni frá Jamaíka úr landi og ákvarða honum endurkomubann. Umræddur maður var dæmdur fyrir nauðgun en taldi það ósanngjarna ráðstöfun að vísa honum úr landi. Nefndin staðfesti einnig ákvörðun stofnunarinnar um að fella niður frest hans til sjálfviljugrar brottfarar.
Konu sem er frá einu af ríkjum Afríku hefur verið vísað úr landi en umsókn hennar um dvalarleyfi á grundvelli hjúskapar með íslenskum ríkisborgara var hafnað af Útlendingastofnun og hefur nú verið staðfest af kærunefnd útlendingamála.
Kærunefnd útlendingamála hefur staðfest ákvörðun Útlendingastofnunar um að synja konu frá Afríkuríki og barni hennar um alþjóðlega vernd. Hafði konan sótt um vernd á grundvelli þess að hún hefði orðið og ætti hættu á að verða fyrir ofsóknum í heimalandinu vegna kynhneigðar sinnar.
