Íslenska U-21 árs landslið karla tapaði 1-2 gegn Tékkum í fyrri umspilsleik um sæti í lokakeppni EM á næsta ári.
Hér að neðan má sjá einkunnir leikmanna Íslands úr leiknum.
Lestu nánar um leikinn hér.
Hákon Rafn Valdimarsson – 7
Ekkert út á Hákon að setja í dag, var öruggur í sínu.
Valgeir Lunddal Friðriksson (65′) – 5
Skilaði sínu ágætlega.
Ísak Óli Ólafsson – 5
Hægt að setja spurningamerki við miðverðina í seinna marki Tékka.
Róbert Orri Þorkelsson – 5
Hægt að setja spurningamerki við miðverðina í seinna marki Tékka.
Atli Barkarson (88′) – 3
Var virkilega óöruggur í dag. Fyrirgjöfin í öðru marki Tékka kom svo hans megin, þar sem hann átti að gera betur. Einnig slakur fram á viðþ
Andri Fannar Baldursson – 8 – Maður leiksins
Besti maður íslenska liðsins í dag. Var stór hluti af flestu því sem Ísland gerði í dag og vann einnig vel til baka.
Kolbeinn Þórðarson (79′) – 6
Átti mjög fínan fyrri hálfleik þar sem hann bjó til góðar stöður fyrir fremstu menn. Sást minna til hans í seinni.
Dagur Dan Þórhallsson – 6
Ágætis frammistaða en ákvarðanataka hefði mátt vera betri í sumum tilfellum.
Sævar Atli Magnússon – 8
Góður leikur hjá Sævari. Fiskaði vítið og skoraði markið. Djöflast stanslaust í andstæðingnum.
Ísak Snær Þorvaldsson (65′) – 5
Átti fína spretti til að byrja með en dró fljótt ansi vel af honum. Var alveg búinn í seinni hálfleik áður en hann fór af velli.
Brynjólfur Willumsson (88′)- 3
Kom ekkert úr honum í dag. Var týndur fram á við og lítið í því að vinna baráttur, eins og skallabolta.
Varamenn
Óli Valur Ómarsson (65′) – 6
Bjarki Steinn Bjarkason (65′) – 5
Aðrir spiluðu of lítið til að fá einkunn