„Lífið er ekki alltaf sanngjarnt finnst manni. Gunnar hefur aldrei verið eins góður eins og sást í byrjun bardagans og í æfingabúðunum. Mér fannst hann nánast vera leika sér að Argentínumanninum. Santiago potaði hressilega í augað á Gunna í fyrstu fléttunni sem Gunnar kom með. Gunni sá allt blörrað eftir það. Hefði auðvitað átt að segja eitthvað en gerði það ekki. Santiago náði síðan að klára bardagann eins þjóðin veit.“

Þetta segir Jón Viðar Arnþórsson yfirmaður Mjölnis og nánasti vinur Gunnars Nelson um bardaga Gunnars og Santiago. Bardaginn stóð ekki lengi yfir en Santiago sló Gunnar Nelson niður í fyrstu lotu. Jón Viðar segir:

„Gunnar er góður á því en auðvitað hrikalega svekktur. Fer í æfingabann út sumarið, en ef ég þekki hann rétt þá mun þetta kveikja mikinn eldmóð i honum.

Þeir bestu tapa líka, bara erfiðara að sjá vini sína tapa í þessari íþrótt heldur en öðrum. Styðjum Gunna og höldum áfram, nóg eftir! Gunnar er enn þá lang besti bardagaíþróttamaður í sögu Íslands! Verum stolt af honum.“