Stórstjörnurnar sem verða samningslausar næsta sumar
Zlatan Ibrahimovic til Manchester United, James Milner til Liverpool, Sol Campbell til Arsenal, Robert Lewandowski til Bayern München og Paul Pogba og Andrea Pirlo til Juventus. Allt eru þetta leikmenn sem eiga það sameiginlegt að hafa samið við ný félög án þess að króna væri greidd fyrir þá. Samningsbundnir leikmenn geta samið við önnur félög sex mánuðum áður en samningur þeirra rennur út. Fjölmargir frábærir leikmenn verða samningslausir næsta sumar sem þýðir að þeir geta samið við hvaða lið sem er strax í byrjun nýs árs.
Félag: Manchester City
Aldur: 31 árs
Brassinn hefur verið öflugur á miðju Manchester City í vetur eins og undanfarin ár. Þessi varnarsinnaði leikmaður er á sínu fjórða tímabili með City en samningurinn rennur út í sumar. Pep Guardiola, stjóri City, vill ólmur halda leikmanninum innan raða félagsins og því þykir líklegt að hann fái nýjan samning áður en langt um líður.
Félag: Arsenal
Aldur: 31 árs
Spænski miðjumaðurinn hefur átt góðu gengi að fagna með Arsenal frá árinu 2012 þótt meiðsli hafi sett strik í reikninginn undanfarin tvö ár. Spánverjinn, sem er á sínu fimmta tímabili á Englandi, hefur á tíma sínum hjá félaginu leikið 177 leiki og skorað 29 mörk. Juventus og AC Milan á Ítalíu eru sögð fylgjast spennt með gangi mála ef Cazorla semur ekki fljótlega um nýjan samning.
Félag: PSG
Aldur: 32 ára
Brasilíski hafsentinn hefur verið í hópi bestu varnarmanna heims undanfarin ár en hann verður samningslaus næsta sumar. Á dögunum var greint frá því að Juventus ætlaði sér að klófesta kappann næsta sumar en PSG vill halda honum í sínum röðum. Klásúla í samningi hans gæti gert PSG kleift að halda honum í eitt ár til viðbótar.
Félag: Manchester City
Aldur: 33 ára
Staða Yaya Toure hjá Manchester City hefur verið mikið í umræðunni. Hann var alveg úti í kuldanum hjá Pep Guardiola í haust og jafnvel var talið að hann myndi ekki spila aftur fyrir félagið. Svo fékk hann tækifæri í deildarleik á dögunum og stimplaði sig rækilega inn með tveimur mörkum. Þrátt fyrir það er hávær orðrómur þess efnis að leikmanninum verði leyft að fara á frjálsri sölu næsta sumar.
Félag: Manchester United
Aldur: 35 ára
Zlatan samdi til eins árs við United í sumar en José Mourinho sagði á dögunum að Svíinn öflugi fengi eins árs framlengingu. Ekkert hefur verið staðfest í þeim efnum og rennur samningur Svíans að óbreyttu út næsta sumar. Þrátt fyrir að vera orðinn 35 ára hefur Zlatan látið til sín taka á Englandi og skorað 11 mörk í 20 leikjum í það heila.
Félag: Bayern München
Aldur: 32 ára
Hollenski vængmaðurinn Arjen Robben hefur verið einn af lykilmönnum Bayern frá árinu 2009 og skorað 119 mörk í 228 leikjum. Greint hefur verið frá því að Robben standi eins árs framlenging til boða en það er venjan hjá Bayern með leikmenn sem orðnir eru þrítugir. Ekki er víst að Robben samþykki slíkan samning. Þess má þó geta að Franck Ribery skrifaði undir eins árs framlengingu á sínum samningi um þar síðustu helgi en líkt og í tilfelli Robbens átti samningur hans að renna út næsta sumar.
Félag: WBA
Aldur: 23 ára
Framtíð Saido Berahino hjá WBA hefur verið mikið í umræðunni undanfarin misseri. Hann hefur ítrekað verið orðaður við félög á borð við Tottenham, West Ham og Liverpool en WBA hefur ávallt tekist að halda honum. Samningur þessa öfluga framherja rennur út í sumar og nokkuð ljóst þykir að hann muni ekki skrifa undir nýjan samning. Spurningin er aðeins við hvaða lið hann semur.
Félag: Zenit
Aldur: 27 ára
Þessi öflugi Belgi hefur leikið í Rússlandi frá árinu 2012 og þénað sand af seðlum á meðan. Talið er víst að Witsel, sem er lykilmaður í landsliði Belga, vilji færa sig um set í sumar og hefur Juventus verið nefnt sem líklegur áfangastaður. Þó er ljóst að mörg félög gætu nýtt sér krafta þessa hárprúða Belga.
Jesús Navas – Manchester City
Taison – Shakthar Donetsk
John Obi Mikel – Chelsea
Fernando Torres – Atletico Madrid
Per Mertesacker – Arsenal
Lucas Leiva – Liverpool
Gael Clichy – Manchester City
Adrian – West Ham
Bacary Sagna – Manchester City
Branislav Ivanovic – Chelsea
Antonio Valencia – Manchester United
Michael Carrick – Manchester United
Keisuke Honda – AC Milan
Pepe – Real Madrid
Daniel de Rossi – Roma
Robert Snodgrass – Hull City
Klaas-Jan Huntelaar – Schalke