Aníta Hinriksdóttir setti Íslandsmet í 800 metra hlaupi á Ólympíuleikunum í dag en komast ekki áfram. Hún hljóp vegalengdina á 2,00,14 mínútum og hafnaði í sjötta sæti í sinum riðli og var ekki langt frá því að komast áfram.
Riðillinn sem Aníta hljóp var mjög sterkur og skipaður mörgum af sterkustu hlaupakonum heims á þessari vegalengd.
Mikill hraði var í hlaupinu og var Aníta í sjöunda sæti eftir fyrstu fjögur hundruð metranna. Hún náði að hífa sig upp í sjötta sætið á glæsilegu Íslandsmeti. Gamla Íslandsmet hennar var 2, 00,49 mínútur.
