Verða samningslausir í sumar
Nú fer senn að líða að lokum deildakeppna í stærstu deildum Evrópu og við tekur Evrópumótið í knattspyrnu og slúðurfréttir um vistaskipti leikmanna. Fjölmargir frábærir fótboltamenn verða með lausa samninga í sumar og ljóst að félög muni keppast um þessa leikmenn sem kosta ekki krónu. Launakostnaðurinn gæti þó orðið umtalsverður. DV tók saman nokkra leikmenn sem verða samningslausir í sumar, en ljóst er að barist verður um þá þegar þar að kemur í sumar. Upplýsingarnar eru fengnar af vefnum Transfermarkt.com.
Félag: Paris Saint-Germain
Aldur: 34 ára
Staða: Framherji
Zlatan er vitanlega þekktasta nafnið á þessum lista. Þó að þessi frábæri sænski framherji verði 35 ára á þessu ári hefur hann aldrei spilað betur á sínum ferli. Það eru engar ýkur heldur bláköld staðreynd. Framherjar eru yfirleitt dæmdir á mörkunum sem þeir skora og á þessari leiktíð hefur Zlatan skorað 42 mörk í 45 leikjum með frönsku meisturunum. Hann hefur aldrei skorað meira á einu tímabili á sínum ferli. Fjölmörg félög eru sögð hafa áhuga á leikmanninum, til að mynda Manchester United.
Félag: Valencia
Aldur: 26 ára
Staða Hægri kantmaður
Þessi 26 ára Alsíringur hefur verið á mála hjá Valencia síðan árið 2010 og vakið athygli fyrir góða spilamennsku. Hann hefur þó ekki verið fastamaður í liði Valencia á þessari leiktíð, enda lenti hann upp á kant við stjóra Valencia fyrir skemmstu. Talið er nær öruggt að hann fari frá Valencia í sumar og eru félög á Englandi orðuð við kappann sem er einn besti leikmaður alsírska landsliðsins.
Félag: Nice
Aldur: 29 ára
Staða: Vængmaður
Margir muna eftir Hatem Ben Arfa sem lék um fjögurra ára skeið með Newcastle á Englandi. Það dylst engum sem fylgst hefur með fótbolta að þarna fer afar hæfileikaríkur knattspyrnumaður en stundum hafa vandræði utan vallar sett strik í reikninginn. Fyrir þessa leiktíð samdi hann til eins árs við franska liðið Nice og er óhætt að segja að Ben Arfa hafi spilað vel í frönsku deildinni í vetur. Hann hefur skorað 16 mörk í 29 deildarleikjum sem er frábær árangur, hvernig sem á það er litið. Það er aldrei að vita nema þessi skemmtilegi Frakki verði aftur kominn í ensku deildina í haust.
Félag: Paris Saint-Germain
Aldur: 28 ára
Staða: Hægri bakvörður
Gregory van Der Wiel verður samningslaus í sumar en þessi öflugi hollenski bakvörður hefur ekki átt fast sæti í liði Paris Saint-Germain á tímabilinu. Talið er að hann muni róa á önnur mið í sumar og fari svo að hann yfirgefi frönsku meistaranna er ljóst að mörg félög munu hugsa sér gott til glóðarinnar. Van der Wiel hefur verið í herbúðum PSG frá árinu 2012 og á 45 landsleiki að baki fyrir Holland.
Félag: New York City
Aldur: 34 ára
Staða: Framherji
Já, David Villa er enn að og hann veit enn hvar markið er. Eftir að hafa verið eitt tímabil í herbúðum Atletico Madrid fór Villa til Bandaríkjanna árið 2014 þar sem hann gekk í raðir New York City. Þar hefur Villa verið iðinn upp við mark andstæðinganna og skorað nánast í hverjum leik. Samningur hans rennur út í sumar. Ólíklegt verður að teljast að Villa fari aftur í átökin á meginlandi Evrópu þó ekki skuli útiloka það.
Mehmet Topal
Félag: Fenerbache
Steve Mandanda
Félag: Marseille
Nicolas N‘Koulou
Félag: Marseille
Miguel Veloso
Félag: Dynamo Kiev
Ricardo Álvarez
Félag: Sampdoria
Roman Neustadter
Félag: Schalke
Martin Caceres
Félag: Juventus
Tom Huddlestone
Félag: Hull
Riccardo Montolivo
Félag: AC Milan
Ron Vlaar
Félag: AZ Alkmaar
Daniel Agger
Félag: Bröndby
Michael Carrick
Félag: Manchester United
Christopher Samba
Félag: Dinamo Moskva
Mathieu Flamini
Félag: Arsenal
Junior Hoilett
Félag: QPR
Leandro Damiao
Félag: Real Betis