Þessa dagana er hver laxveiðiáin af annarri að opna fyrir veiðimenn enLaxá í Leirársveit opnaði í gær.  En laxar höfðu sést í ánni fyrst í kringum 19.maí, nokkrir allavega í Laxfossi.

,,Við vorum að opna í Leirársveitinni og það komu fjórir laxar á land og nokkrir sluppu af,“ sagði Ólafur Johnson sem opnaði ána ásamt fleiri vöskum veiðimönnum.

,,Það er mikið vatn og við sáum töluvert af laxi en hann hefði mátt taka betur. Maður verður að sýna þessu þolinmæði. Fyrstu laxarnir sáust í ánni 19. maí og vatnið er frábært í henni. Þetta verður gott sumar í veiðinni,“ sagði Ólafur i lokin.

Mynd. Haukur Geir Garðarsson með flottan lax úr Vaðstrengjunum í Laxá í Leirársveit sem var einn af þeim fyrstu úr ánni á þessu sumri. Mynd ÓJ