Veiðin í Veiðivötnum hefur verið góð í sumar og margir fengið flotta veiði.Veiðin byrjaði vel í vötnunum en það hefur aðeins dregið úr henni núna.

,,Ég er að fara i Veiðivötn og það verður bara gaman,“ sagði Jógvan Hansen sem var að leggja í hann til veiða en hann hefur oft veitt þarna áður.

,,Við vorum að koma úr Veiðivötnum og fengum á fjórum tímum tvo fiska og annar slapp. Það sama gerðist á sunnudaginn en við vorum þarna bara stuttan tíma. Jens Hansson, saxafón leikari,  veiddi þennan flotta 8 punda urriða,“ sagði Sævar Sverrisson veiðimaður en helgina áður var hann á Arnarvatnsveiði og fékk vel í soðið.

Mynd. Jens Hansson með 8 punda urriða úr Veiðivötnum. Mynd SS