Þrír íslenskir kylfingar hófu leik í gærá Opna breska áhugamannamótinu (British Amateur) sem fram fer á Royal Aberdeen Golf Club í Skotlandi. Gísli Sveinbergsson úr Keili, Bjarki Pétursson úr GB og Aron Snær Júlíusson úr GKG.

Staðan:

Mótið er eitt það virtasta og sterkasta hjá áhugakylfingum og sigurvegarinn fær boð um að taka þátt á þremur risamótum atvinnukylfinga, Mastersmótinu, Opna breska og Opna bandaríska.

Alls eru 288 keppendur og leika þeir alls 36 holur í höggleik fyrstu tvo keppnisdagana. Síðan tekur við holukeppni en 64 efstu eftir höggleikinn komast í gegnum niðurskurðinn.

Í holukeppninni eru leiknar 18 holur í hverri umferð þar til að tveir mætast í úrslitaleik um sigurinn.

Aðstæður voru erfiðar í gær, keppnisvöllurinn var þurr og mikill vindur var á svæðinu. Flatirnar voru mjög hraðar og skorið var því eftir því.

Jussi Pitkanen afreksstjóri GSÍ er með í för og var hann aðstoðarmaður Bjarka og Gísla á fyrsta keppnisdeginum.

Gísli Sveinbergsson lék á +5 í gær á Murcar vellinum í Aberdeen eða 75 höggum.

Bjarki Pétursson lék á 76 höggum eða +6 á Murcar vellinum.

Aron Snær Júlíusson lék á 78 höggum eða +8.