Stundum eru það hversdagsvenjur sem hafa mestu áhrifin á heilsufar okkar. Í nýrri stórri rannsókn vísindamanna við Oxfordháskóla kemur fram að daglegur skrefafjöldi okkar getur gegnt lykilhlutverki í baráttunni við krabbamein.

Vísindamennirnir fylgdust með rúmlega 85.000 manns í tæplega sex ár og greindu hreyfingarstig fólksins miðað við hættuna á að fá 13 tegundir krabbameins, þar á meðal brjóstakrabbamein, ristilkrabbamein og krabbamein í blöðruna.

Niðurstaðan var að þeim mun fleiri skref sem fólk gengur daglega, þeim mun minni líkur eru á að það fái krabbamein.

Fólk, sem gengur um 7.000 skref daglega, er í 11% minni hættu á að fá krabbamein miðað við þá sem ganga 5.000 skref.

Ef fólk gengur 9.000 skref er hættan á að fá krabbamein 16% minni.

Ef skrefin eru fleiri en 9.000, fletjast áhrifin út.