Hópur grímuklæddra þjófa klæddir sem jólasveinn og álfar hans náðist á myndband þegar þeir réðust inn í kanadíska matvöruverslun og stálu matarkerrum.

Talsmaður lögreglunnar í Montreal segir við miðilinn CBC að nokkrir grímuklæddir og dulbúnir einstaklingar hafi komið inn í matvöruverslunina Metro þar í borg um klukkan 21.15 á mánudagskvöld og byrjað að stela vörum úr hillunum.

Stolnu matvörunni sem var að andvirði um 3.000 dollarar var dreift undir jólatré í hverfi í Montreal. Vörur voru einnig settar í ýmsa frískápa í borginni.

@ctvnews Police are investigating what activists say was a Robin Hood-style theft at a Montreal grocery store this week with people dressed as Santa and elves shoplifting thousands of dollars worth of food. #montreal #santa ♬ original sound – CTVNews

Á samfélagsmiðlum lýsti aðgerðasinnahópur í anda Hróa hattar, sem kallast Robins des ruelles, yfir ábyrgð á ráninu. Hópurinn lýsti búðarþjófnaðinum sem „mikilli matvælakaupmennsku“ og réttlætti aðgerðir sínar með því að halda því fram að stórmarkaðskeðjur hafi notað verðbólgu sem afsökun til að hækka verð þrátt fyrir að vera með methagnað.

„Fá fyrirtæki halda grunnþörfum okkar í gíslingu. Þau halda áfram að notfæra sér íbúana og draga af þeim eins mikla peninga og mögulegt er, einfaldlega vegna þess að þau geta það. Fyrir okkur er það það sem telst þjófnaður, og þeir eru hinir raunverulegu ræningjar,“ skrifaði hópurinn í yfirlýsingu á Instagram-síðu sinni, Les soulèvements du fleuve.

Þó að viðbrögðin við þjófnaðinum á netinu hafi að mestu verið jákvæð, sagði Geneviève Grégoire, talsmaður Metro, við CBC að það væri mikilvægt að muna að þjófnaður, óháð ástæðu hans, telst vera glæpsamlegt athæfi.

Grégoire bætti við að fyrirtækið hefði tekið þátt í nokkrum góðgerðarverkefnum árið 2025, þar á meðal að gefa 1,15 milljónir dala til matargjafa og milljónir dala í matargjöfum annars staðar.
Lögreglan er nú að fara yfir myndskeið af atvikinu. Enginn hefur verið handtekinn enn þá vegna málsins.