Sky News segir að athygli lögreglunnar hafi beinst að Wright vegna þess að lögreglumaður, sem var á frívakt, sagðist hafa séð hann í hverfinu, þar sem ofbeldisverkið átti sér stað, fimm klukkustundum áður en ráðist var á stúlkuna.
Lögreglan handtók Wright og hélt því fram að hann hefði játað en yfirheyrslan yfir honum var ekki hljóðrituð og hann skrifaði ekki undir játningu að sögn the Cooley Law School Innocence Project, sem annaðist málareksturinn nú fyrir Wright.
The @cooleylawschool Innocence Project celebrated the release of their client Louis Wright. He spent 35 years in prison for a crime he did not commit. https://t.co/brPSiGWG3a pic.twitter.com/2UPWI6MzoH
— Cooley Law School (@cooleylawschool) November 10, 2023
Lögreglan notaðist ekki við sakbendingu og fórnarlambið var ekki beðið um að bera kennsl á Wright.
Að lokum var Wright dæmdur í 25 til 50 ára fangelsi.
Saksóknarar féllust fljótt á að greiða honum 1,75 milljónir dollara í bætur vegna málsins og samþykkti dómari samninginn í síðustu viku.
Wright sagði í samtali við AP-fréttastofuna að hann muni líklega nota hluta af peningunum til að kaupa hús og bíl fyrir systur sína, Darlene Hall.
Lögmaður hans, Wolf Mueller, sagði í yfirlýsingu að ekkert geti bætt Wright það að sitja saklaus í fangelsi í 35 ár. Bæturnar séu fyrsta skrefið til að hjálpa honum að eignast líf á nýjan leik, 65 ára að aldri.
Allt frá 2008 átti Wright möguleika á að fá reynslulausn en hann neitaði að sitja námskeið fyrir kynferðisbrotamenn, sem var algjört skilyrði fyrir reynslulausn, og var því í fangelsi þar til hann var látinn laus eftir að niðurstaða DNA-rannsóknarinnar lá fyrir.
Mueller sagði að það hafi kostað Wright nokkur ár í fangelsi að standa fast á sínu og neita að sitja námskeið fyrir kynferðisbrotamenn. „Það eru ekki margir sem myndu gera það,“ sagði hann.
