Í umfjöllun Business Insider kemur fram að „Argoland“ sé í dag hluti af Suðaustur-Asíu. Rannsóknin hefur verið birt í vísindaritinu Gondwana Research. Í henni lýsa vísindamenn við Utrecht háskóla því hvernig sjö ára rannsóknarvinna leiddi þá endanlega á áfangastað „Argoland“.
Svo virðist sem skilnaðurinn við vesturhluta Ástralíu hafi verið ansi erfiður því sterk jarðfræðileg öfl hafi teygt á „Argoland“ og rifið í marga hluta. Síðan hafi „Argoland“ rekið frá Ástralíu.
Venjulega er hægt að sjá ummerki um slíka atburði í steingervingum, steinum og fjallgörðum en ekki í þessu tilfelli. En hins vegar skildi „Argoland“ eftir sig ummerki á hafsbotni og það voru þau sem komu vísindamönnunum á sporið.
Vísindamennirnir vissu að þeir áttu að leita norðan við Ástralíu og athygli þeirra beindist því að Suðaustur-Asíu. Þar fundu þeir brot út ótrúlega gömlum landmanna á milli Indónesíu og Myanmar. En þegar þeir reyndu að endurgera „Argoland“ út frá þessum brotum, þá pössuðu þau ekki saman.
Þeir ákváðu því að vinna aftur á bak með því að afla gagna í Suðaustur-Asíu og þannig rekja ferð heimsálfunnar norður á bóginn. Þannig uppgötvuðu þeir að heimurinn hafði ekki misst eina heimsálfu, þvert á móti höfðu púslin bara verið sett saman á nýjan leik.
Þessi kortlagning getur hugsanlega komið að gagni við að leysa aðra ráðgátu. Ráðgátuna um hina svokölluðu „Wallace-línu“. Þetta er ósýnileg lína sem liggur á milli Filippseyja, Borneó og Balí í vestri og Sulawesi og Lombok í austri. Margar dýrategundir fara ekki yfir þessa línu.
Línan skiptir mjög fjölbreyttu dýralífi. Vestan við hana eru apar, tígrisdýr og fílar en þessar tegundir er varla að finna austan við hana. Þar eru hins vegar pokadýr og kakadue páfagaukar.
