fbpx
Fimmtudagur 08.desember 2022
Pressan

Þetta er sönnunargagnið sem felldi morðingjann 29 árum eftir morðið

Kristján Kristjánsson
Mánudaginn 21. nóvember 2022 05:44

Þetta er ólin sem varð Danville að falli. Mynd:Lundúnalögreglan

Ekki missa af Helstu tíðindum dagsins í pósthólfið þitt

Lesa nánar

„Við gáfumst aldrei upp. Nú hafa Anne og William fengið réttlætinu framgengt. Það sama á við um fjölskyldur þeirra sem hafa beðið eftir þessum degi í 29 ár.“

Þetta sagði Joanna Yorke, yfirlögregluþjónn hjá Lundúnalögreglunni, á föstudaginn rétt eftir að Danville Neil, 65 ára, var fundinn sekur um morð og manndráp af gáleysi í Lundúnum fyrir 29 árum.

Það var í ágúst 1993 sem systkinin Anne Castle, 74 ára, og William Bryan, 71 árs, fundust látin í íbúð þeirra í austurhluta Lundúna. Ljóst var á ummerkjum að brotist hafði verið inn. Skúffur og skápar stóðu opnir og það vantaði skartgripi og reiðufé.

Anne Castle. Mynd:Lundúnalögreglan

 

 

 

 

 

 

Það voru vinir systkinanna sem höfðu samband við lögregluna og lýstu yfir áhyggjum sínum af þeim. Lögreglumenn fóru á vettvang og komust inn um svaladyr. Í íbúðinni fundu þeir Anne sitjandi í hægindastól. Hún var látin. William lá á gólfinu. Hann hafði verið kyrktur og hendur hans og fætur bundnir með ól af sjónauka.

Wiliam Bryan. Mynd:Lundúnalögreglan

 

 

 

 

 

 

Rannsókn réttarmeinafræðings leiddi í ljós að Anne var með marbletti á handleggjunum, greinilegt var að henni hafði verið haldið fastri. Hún lést af völdum hjartaáfalls vegna þess hversu stressuð hún varð við þennan hræðilega atburð.

William hafði meðal annars verið sleginn í höfuðið áður en hann var kyrktur.

Lögreglunni miðað lengi vel ekkert áfram við rannsókn málsins en fyrir tveimur árum komst loksins hreyfing á málið. Með nýrri DNA-tækni tókst að finna svörun á milli lífsýnis, sem var á sjónaukaólinni, og Danville. Upplýsingar um erfðaefni hans voru skráðar í gagnabanka lögreglunnar vegna fyrri afbrota hans.

Danville Neil. Mynd:Lundúnalögreglan

 

 

 

 

 

 

 

BBC skýrir frá þessu og segir að í tilkynningu frá Lundúnalögreglunni komi fram að Danville hafi alltaf neitað aðild að málinu þrátt fyrir að næg sönnunargögn, sem tengdu hann við það, hafi verið fyrir hendi. Hann hafi brotist inn hjá systkinunum til að stela en það hafi ekki nægt honum og hafi hann því drepið þau.

Danville var fundinn sekur um morð á William og að hafa valdið dauða Anne af gáleysi. Dómari tilkynnir um refsingu hans á föstudaginn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Kirstie Alley er látin

Kirstie Alley er látin
Pressan
Fyrir 2 dögum

10 ára drengur skaut móður sína til bana – Mátti ekki kaupa sýndarveruleikabúnað

10 ára drengur skaut móður sína til bana – Mátti ekki kaupa sýndarveruleikabúnað
Pressan
Fyrir 3 dögum

NASA segir þetta vera með því mesta sem sést hefur

NASA segir þetta vera með því mesta sem sést hefur
Pressan
Fyrir 3 dögum

Hin óhugnalegu Stafrófsmorð – Litlu stúlkurnar voru allar jafngamlar, með sömu upphafsstafi í báðum nöfnum, hurfu á sama tíma og myrtar á sama hátt

Hin óhugnalegu Stafrófsmorð – Litlu stúlkurnar voru allar jafngamlar, með sömu upphafsstafi í báðum nöfnum, hurfu á sama tíma og myrtar á sama hátt
Pressan
Fyrir 3 dögum

Flugferðin breyttist í algjöra martröð – Juliane hrapaði úr 3,2 km hæð og lifði af

Flugferðin breyttist í algjöra martröð – Juliane hrapaði úr 3,2 km hæð og lifði af
Pressan
Fyrir 3 dögum

Segir að svona sé hægt að spara peninga á auðveldan hátt með „þriggja daga reglunni“

Segir að svona sé hægt að spara peninga á auðveldan hátt með „þriggja daga reglunni“
Pressan
Fyrir 4 dögum

Blóðþynningarmeðferð virkar ekki gegn COVID-19

Blóðþynningarmeðferð virkar ekki gegn COVID-19
Pressan
Fyrir 4 dögum

5 ára hringdi í Neyðarlínuna – Hafði aldrei áður fengið símtal eins og þetta

5 ára hringdi í Neyðarlínuna – Hafði aldrei áður fengið símtal eins og þetta