Bandaríski auðjöfurinn Ed Buck var á dögunum fundinn sekur um að verða tveimur mönnum að bana með því að sprauta þá með metamfetamíni, og fá kynlífsgreiða hjá þeim. Kviðdómurinn vestanhafs sagði hann sekan í níu af níu ákæruliðum. Eftir á kveða upp dóm yfir Buck. Það verður í mesta lagi lífstíðardómur, en í minnsta lagi 20 ára fangelsisdómur. Frá þessu greina bandarískir miðlar líkt og Los Angeles Times.
Að baki voru tveggja vikna réttarhöld þar sem aðrir menn lýstu því hvernig Buck hafði fengið þá til að afklæða sig, sína honum líkama sinn og í kjölfarið gefið þeim eiturlyf eins og amfetamín og smjörsýru. Þá voru myndir og myndbönd úr fíkniefna- og kynlífspartýum auðjöfursins sýnd viðstöddum í réttarhöldunum, en það myndefni á að hafa tekið á.
Blæti Buck varð síðan tveimur mönnum að bana. Gemmel Moore lést sumraið 2017 og Timothy Dean í upphafi árs 2019, báðir þeirra tóku of stóran skammt fíkniefna. Seinna árið 2019 lést þriðji maðurinn næstum því í álíka aðstæðum og hinir tveir, og það varð til þess að Buck var ákærður.
„Ed Buck mun aldrei særa neinn aftur og ég þakka guði fyrir það.“ sagði systir eins fórnarlambs Bucks við LA Times.
Buck hafði verið áberandi í pólitíkinni í Kaliforníu og Los Angeles. Hann hafði boðið sig fram í borgarráð og safnað gríðarlega háum fjárhæðum fyrir Demókrataflokkinn.
