Það er auðvitað bráðnauðsynlegt að vera með góðan bakstursofn í eldhúsinu, bæði til að baka og til að töfra fram margvíslegt ljúfmeti. En hin ástralska Imogen Moore mun væntanlega ekki nota ofninn sinn alveg á næstunni eftir nýlega lífsreynslu.

Eins og sést hér fyrir neðan þá hafði stór könguló gert sig heimakomna á ofninum og með henni heill her af afkvæmum hennar. Um Huntsman könguló er að ræða en þær verða ansi stórar, meira að segja á ástralskan mælikvarða og eru þarlendir nú ýmsu vanir þegar kemur að stærð skordýra.

Moore skýrði frá þessu og birti myndir af herlegheitunum á Facebooksíðunni Australian Native Animals. Miðað við viðbrögð lesenda þá er fleirum en henni brugðið yfir þessu.