fbpx
Fimmtudagur 18.september 2025
Pressan

Leystu eitt umtalaðasta morðmál Ástralíu

Kristján Kristjánsson
Föstudaginn 25. september 2020 05:27

Konurnar þrjár.

Ekki missa af Helstu tíðindum dagsins í pósthólfið þitt

Lesa nánar

Í tæplega 25 ár var hvarf þriggja ungra kvenna frá vinsælu næturlífssvæði í Perth í Ástralíu eitt umtalaðasta óleysta sakamál landsins. En nú hefur Bradley Robert Edwards verið sakfelldur fyrir að hafa myrt tvær þeirra en hann var hins vegar sýknaður af morðinu á þeirri þriðju.

Edwards var fundinn sekur um að hafa myrt Jane Rimmer, 23 ára, árið 1996 og Ciara Glennon, 27 ára, árið 1997. Han var hins vegar sýknaður af ákæru um að hafa myrt Sarah Spiers, 18 ára, en lík hennar hefur ekki fundist og ekki voru nægar sannanir fyrir að Edwards hefði myrt hana að mati dómstólsins.

CNN segir að réttarhöldin yfir Edwards hafi staðið yfir í sjö mánuði og hafi íbúar í Perth fylgst vel með þeim þar sem málin hafi verið mörgum í minni en hvarf kvennanna vakti mikinn óhug og ótta meðal borgarbúa á sínum tíma.

Allar þrjár sáust síðast á lífi snemma morguns eftir að hafa verið að skemmta sér í Claremont í Perth. Hverfið var talið öruggt og því ríkti mikill ótti í borginni í kjölfar hvarfs þeirra.

Lík Rimmer og Glennon fundust nokkrum vikum eftir að þær hurfu en lík Spiers hefur aldrei fundist en ekkert bendir til að hún sé á líf segir í dómsorði.

Það var fyrir fjórum árum að lögreglunni tókst loks að komast eitthvað áleiðis við rannsókn málanna. Þá var Edwards sendur í fangelsi eftir að hafa verið sakfelldur fyrir tvær nauðganir. Erfðaefni hans var borið saman við lífsýni sem fundust á líki Glennon. Trefjar, sem fundust á báðum líkunum, pössuðu við trefjar sem fundust í vinnubíl Edwards en það benti til að hann hefði rænt þeim og flutt á brott í bílnum. Hann starfaði þá hjá símafyrirtæki.

Refsing Edwards verður tilkynnt þann 23. desember.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Sakamál: Myrti fjölskylduna og bað síðan um að fá að fara heim

Sakamál: Myrti fjölskylduna og bað síðan um að fá að fara heim
Pressan
Fyrir 3 dögum

Ofbeldismaður fleygði 7 ára fram af brú eftir voðaverk – Nú mætir hún geranda sínum fyrir dómi

Ofbeldismaður fleygði 7 ára fram af brú eftir voðaverk – Nú mætir hún geranda sínum fyrir dómi
Pressan
Fyrir 3 dögum

Hægri- og vinstrimenn Bandaríkjanna keppast við að sverja af sér meinta skotmanninn – En hvað er vitað um skoðanir hans?

Hægri- og vinstrimenn Bandaríkjanna keppast við að sverja af sér meinta skotmanninn – En hvað er vitað um skoðanir hans?
Pressan
Fyrir 3 dögum

Svona getur þú prófað hversu heilbrigð lungun þín eru

Svona getur þú prófað hversu heilbrigð lungun þín eru
Pressan
Fyrir 5 dögum

Dularfulli brúðkaupsgesturinn – Brúðurin komst að sannleikanum mörgum árum síðar

Dularfulli brúðkaupsgesturinn – Brúðurin komst að sannleikanum mörgum árum síðar
Pressan
Fyrir 5 dögum

Falsfréttir um morðið á Charlie Kirk kollsteyptu lífi Kanadamanns á lífeyrisaldri

Falsfréttir um morðið á Charlie Kirk kollsteyptu lífi Kanadamanns á lífeyrisaldri