Nikki, sem er 33 ára, var handtekinn fyrr í mánuðinum nærri Sydney eftir að hún hafði að sögn lamið fyrrum unnusta sinn, sem er 43 ára, með hundakeðjunni. Þetta var ekki í fyrsta sinn sem hún var handtekin. Samkvæmt frétt New York Post var hún handtekin fyrir þremur árum eftir að hún hafði lamið unnusta sinn margoft. Ekkert varð úr málinu annað en að nálgunarbann var sett á Nikki.
Nikki var kjörin ungfrú Virginia 2011 og ungfrú Bandaríkin 2012. Hún var síðar svipt titlinum eftir að hún birti mynd af sér á Facebook þar sem hún var með kórónuna og með textanum „Ungfrú alkóhólisti Bandaríkin“.
Nikki er síðar sögð hafa lent í orðaskaki við Derek Powell, samkynhneigðan meðleigjanda sinn, og vini hans og sameiginlega vini í Richmond í Virginíu. Powell sagði síðar að Nikki hafi gripið um kynfæri vinar hans, rifið hurð af hjörunum og látið níði rigna yfir þá vegna kynhneigðar þeirra.
2013 var hún ákærð fyrir grófa líkamsáras eftir að hún réðst á fyrrum unnusta sinn, James McElroy, með fiskikrók. Málið var síðar fellt niður því McElroy sagðist ekki muna neitt eftir árásinni.
