„Kærastinn minn og ég erum bæði með mjög mikla kynhvöt. Þetta er í fyrsta sinn sem við erum bæði í ástarsambandi þar sem báðir aðilar eru með jafnmikla kynhvöt. Nýlega gerðum við það tíu sinnum á 24 klukkustundum og bættum metið okkar sem var átta sinnum. Þegar við reyndum í ellefta sinn var það of vont til að við gætum haldið áfram. Ég er búin að leita að ráðum um hvernig er hægt að draga úr sársaukanum eða hversu lengi ég þarf á hvílast á milli. Er hugsanlegt að ég sé bara að leggja of mikið á líkamann?“

Svona hljóðar bréf sem lesandi sendi til Pamela Stephenson Connolly, sálfræðings sem sérhæfir sig í kynlífsvandamálum, og var birt í The Guardian. Hún hafði svar á reiðum höndum:

„Nautn á að fylgja kynlífi. Ef það meiðir skaltu stoppa (nema auðvitað ef þér líkar sársauki). Kynlíf er heldur ekki keppni. Hugsið um líkama ykkar og hugsið frekar um gæði kynlífsins en magn. Kynlíf ykkar veitir miklu meiri fullnægingu ef þið einbeitið ykkur að því að njóta unaðarins. Kynlíf með markmiði dregur alltaf úr nautninni og skemmtuninni. Reynið að slaka á og anda. Til hvers að geta grobbað sig ef kynfærin eru rauð og aum?“

Sagði hún meðal annars í svari sínu.