Samkvæmt frétt Sky News þá tapaði Ryanair 178 milljónum punda á sex mánaða tímabili sem endaði í september. Á sama tíma á síðasta ári nam hagnaður félagsins 1,1 milljarði punda. Farþegum fækkaði um 80% á milli ára og voru 17 milljónir það sem af er rekstrarárinu. Fyrirtækið segir ekki geta sagt til um endanlega rekstrarniðurstöðu rekstrarársins, sem lýkur í mars, nema hvað búast megi við enn meira tapi.
Í uppgjörinu kemur fram að félagið vænti þess að flytja 38 milljónir farþega á rekstrarárinu en það geti haft áhrif ef ríkisstjórnir aðildarríkja ESB haldi áfram að viðhafa lélega stjórnun hvað varðar flugiðnaðinn og haldi áfram ósamhæfðum aðgerðum hvað varðar ferðalög fólks.
Ryanair reiknar með mikilli eftirspurn eftir flug næsta sumar og að farþegafjöldinn verði 50 til 80% af því sem hann var fyrir heimsfaraldurinn. Þá vonast félagið til aukinnar arðsemi með tilkomu nýrra flugvéla af gerðinni Boeing 737 MAX en félagið á von á 30 slíkum vélum hið minnsta þegar Boeing verður búið að greiða úr þeim vandamálum sem hafa komið upp varðandi vélar af þessari gerð.
