„Þegar ég áttaði mig á því hvað væri í gangi, ákvað ég að setjast niður og fylgjast með. Þetta var ótrúleg lífsreynsla,“
Þetta segir Eli nokkur McCann, sem átti heldur furðulegan 33 ára afmælisdag. Hann hélt að hann væri að fara að halda upp á afmælið sitt, en það var þó ekki það sem hann fékk, heldur mætti hann stað þess í eigin jarðarför. Mirror greinir frá þessu.
Þar sem að Eli hélt að afmælisveislan sín myndi fara fram var lítið um „afmælislega“ hluti. Á staðnum var líkkista og myndir af Eli. Þá voru allir svartklæddir og hundsuðu hann.
Skylar Westerdahl Kærasti Eli McCann bar sökina á þessu. Hann átti þá furðulegu hugmynd að setja upp jarðarför, frekar en hefðbundna afmælisveislu. Pælingin á bak við þessa hugmynd hans var: fólk ætti ekki að þurfa að deyja svo að ástvinir þess segi viðurkenni ást sína á þeim.
Skylar hafði búið til gervi-líkkistu og beðið alla vini þeirra til að mæta í svörtu, líkt og um jarðarför væri að ræða. Þá bannaði hann öllum að eiga í samskiptum við Eli, sem varð til þess að hann varð einskonar draugur í eigin jarðarför.
Eli hefur nú lýst þessum furðulega afmælisdegi:
„Hann sagði mér að við værum að fara út að borða og að við þyrftum að var fínt klæddir. En við enduðum í vinahúsi, Skylar sagði að við yrðum að lýta við í tilefni dagsins.
Þegar ég labbaði þangað inn sá ég um það bil 15 vini mína, alla svartklædda sitja og þykjast gráta. Kærastinn minn tók sér sæti og einn vinur minn, í prestsbúningi, byrjaði athöfnina. Þau þóttust öll hvorki geta séð mig, né heyrt í mér á meðan að athöfnin var í gangi.
Þegar ég áttaði mig á því hvað væri í gangi, ákvað ég að setjast niður og fylgjast með. Þetta var ótrúleg lífsreynsla, svo heillandi, fyndið og súrt. Ég elskaði hverja einustu sekúndu af þessari athöfn.“
Eli segir að athöfnin hafi tekið um það bil þrjátíu mínútur, eftir það hafi hefðbundið partý tekið við. Hann þakkar kærasta sínum fyrir að vera hugmyndaríkur og búa til svona einstakar upplifanir.
