Yfirvöld á Balí í Indónesíu telja líkur á að 39 ára breskur karlmaður, Ryan Roth, hafi látið sig hverfa af fúsum og frjálsum vilja. Roth þessi skildi eftir sig kveðjubréf við bjargbrún í Uluwatu. Bréfið var stílað á kærustu hans og af lestri þess að dæma mátti ætla að hann hafi stokkið niður.

Þrátt fyrir mjög umfangsmikla leit í skóglendinu fyrir neðan hefur lík Ryans ekki fundist. Þá eru engin merki þess á gróðri að hann hafi stokkið og villt dýr mögulega étið hann.

Það sem þykir renna stoðum undir þessa kenningu er sú staðreynd að Roth liggur undir grun um nokkuð umfangsmikil fjársvik. Málið teygir sig til nokkurra landa og í frétt Mirror segir að hann sé eftirlýstur vegna málanna. Ástralska lögreglan var hann með hann til rannsóknar fyrir margt löngu en hefur ekki enn náð tali af honum. Af þessum sökum hafa yfirvöld ekki útilokað að Ryan hafi sviðsett eigið andlát og hreinlega látið sig hverfa.