En vandinn er að það getur verið ansi tímafrekt að þrífa baðherbergi og því nota margir sterk efni, sem eru mjög áhrifarík, við þrifin þrátt fyrir að þau séu ekki góð fyrir heilsuna eða umhverfið. En að undanförnu hefur ákveðið húsráð farið eins og eldur í sinu um netið. Það snýst um að setja eigi hvítlauksrif í klósettið yfir nótt.
Sýnt hefur verið fram á að hvítlaukur hefur ýmis jákvæð áhrif á eitt og annað. Hann inniheldur meðal annars efni sem heitir allicin en það veitir vernd gegn sníkjudýrum og bakteríum og vinnur auk þess gegn sveppamyndun og breytir umhverfinu sem sveppir þurfa til að geta þrifist. Samkvæmt fyrrnefndu húsráði þá kemur hvítlaukur að góðum notum við að halda bakteríum frá klósettinu.
Samkvæmt þessu húsráði á að taka eitt hvítlauksrif og setja í klósettið. Best er að láta það liggja yfir nótt þegar klósettið er lítið sem ekkert notað. Þegar farið er á fætur að morgni á að sturta hvítlauknum niður. Þetta á að gera minnst tvisvar í viku. Með þessu á að sögn að vera hægt að halda klósettinu hreinu og fersku. Einnig er því haldið fram að hægt sé að fjarlægja gula bletti úr klósettinum með því að búa til hvítlaukste og hella í klósettið. Teið er búið til með því að setja þrjú hvítlauksrif út í 2,5 dl af sjóðandi vatni.
Hér fyrir neðan er hægt að horfa á myndband sem sýnir hvernig þessi húsráð eru framkvæmd.
