Hann játaði sök fyrir dómi. Hann komst í samband við fórnarlömb sín á netinu og hitti þau síðan og myrti. Morðin áttu sér stað á tveggja og hálfs árs tímabili. Lögreglan komst á slóð hans þegar lík 38 ára filippeyskrar konu fannst í námu.
Á spjallrás á netinu sást að Metaxas hafði átt í samskiptum við konuna í rúmlega hálft ár. Síðar fannst lík sex ára dóttur hennar en Metaxas hafði einnig myrt hana. Fórnarlömbin störfuðu flest við húshjálp á Kýpur.
Metaxas er talinn vera fyrsti raðmorðinginn á Kýpur en landsmenn eru slegnir miklum óhug vegna málsins. Dómsmálaráðherranna og yfirmaður lögreglunnar þurftu að láta af embættum sínum vegna málsins.
Dómurinn yfir Metaxas er þyngsti dómur sem kveðinn hefur verið upp á Kýpur.
