Það getur varla verið hættulegt að vera með spilunartakka (play button) húðflúraðan á brjóstkassann? Það er hugsanlega það sem ungur breskur karlmaður hugsaði með sér þegar hann lét húðflúra sig. En þetta litla húðflúr orsakaði nærri alvarleg mistök þegar ungi maðurinn þurfti að fara í skurðaðgerð.

Maðurinn, sem er 23 ára, þurfti að fara í skurðaðgerð á öxl. Þegar skurðlæknarnir voru að undirbúa sig undir aðgerðina tóku þeir eftir húðflúrinu á brjóstkassanum. Húðflúrið er þess eðlis að læknarnir hefðu auðveldlega getað talið það vera merkingu á staðnum sem þeir ættu að gera aðgerðina á.

Í grein í the British Medical Journal kemur fram að húðflúrið hafi valdið „töluverðu uppnámi“ á skurðstofunni á St Georges sjúkrahúsinu í Lundúnum og „hefði hugsanlega geta valdið misskilningi um skurðaðgerðina“.

Aðgerðin tókst þó vel og skorið var í réttan stað á líkamanum.

„Foreldrar mínir sögðu mér alltaf að húðflúrin mín myndu kenna mér lexíu dag einn. Ég held ekki að þau hafi séð þetta fyrir sér. Það er gott að ég gat verið uppspretta ringulreiðar og vonandi menntunar.“

Sagði ungi maðurinn að aðgerðinni lokinni.