fbpx
Laugardagur 04.desember 2021
Kynning

Fann mun á sér eftir fjóra daga á CBD

Kynning
Jóhanna María Einarsdóttir
Föstudaginn 5. nóvember 2021 08:30

Sigfús Ómarsson segist ekki finna lengur fyrir ofsakvíða eftir að hann byrjaði að nota CBD vörur frá Healing Iceland í febrúar.

Ekki missa af Helstu tíðindum dagsins í pósthólfið þitt

Lesa nánar

CBD, eða Cannabidiol, er eitt umræddasta efnið í heilsugeiranum í dag en af einhverjum ástæðum er lítið talað um hvað er vitað um virkni þess. CBD er unnið úr kannabis plöntunni en plantan sjálf hefur verið notuð sem lækningarjurt í mörg þúsund ár. Til dæmis er kannabis ein af fimm heilögum plöntum í Hindúa trú en plantan á sér uppruna í Himalajafjöllunum þar sem hún vex villt. En leifar af henni hafa fundist allt frá ströndum Kína til Evrópu á fornöldum.

Núna árið 2021 hefur komið fram mikið magn af rannsóknum sem eru byrjaðar að gefa okkur góða mynd af því hverju CBD getur verið gagnlegt við.

Gegn flogi

Ein þekkasta virkni CBD í dag er við hræðilegum en sjaldgæfum flogaveikindum hjá börnum eins og Darvet heilkenni og Lennox- Gastaut heilkenni. CBD er notað við þessum heilkennum þegar önnur lyf virka ekki. Í mörgum rannsóknum hefur komið fram að CBD getur minnkað eða alveg komið í veg fyrir flog í sumum tilfellum. Epidiolex var fyrsta CBD lyfið sem skráð var á markað fyrir þessum heilkennum.

Við kvíða

Rannsóknir hafa sýnt fram á að CBD slær á einkenni kvíða. Virkni þess hjálpar við að slá á allskonar einkenni kvíða eins og ofsakvíða, félagskvíða, þráhyggju-árátturöskun (OCD) og áfallastreituröskun (PTSD).

Gegn svefnleysi

Rannsóknir hafa sýnt fram á að CBD hjálpar fólki að sofna og viðhalda svefni. CBD hefur lengi verið notað til að hjálpa fólki við að sofa og virðist vera ein vinsælasta notkunin á því í dag.

Gegn varanlegum sársauka

Margar rannsóknir hafa verið gerðar á virkni CBD á mismunandi sársauka. Niðurstöðurnar hafa verið mismunandi en svo virðist sem CBD geti haft veruleg áhrif á ákveðna sársauka. Rannsóknir á fólki með taugaverki sýndu ágætis niðurstöður og verkir hjá fólki minnkuðu töluvert. Í rannsókn á fólki með gigt var CBD borið á sem krem og verkir og bólgur minnkuðu töluvert. Svo virðist sem CBD geti hjálpað mörgum sem glíma við varanlegan sársauka og er góð náttúruleg viðbót við aðra meðferð.

Við fíkn

CBD getur minnkað löngun í tóbak, koffín og heróín undir ákveðnum kringumstæðum. Dýrarannsóknir hafa einnig sýnt fram á að CBD minnkar löngun í alkóhól, kannabis, ópíum og önnur örvandi efni. Þessar niðurstöður hafa sérstaklega mikla þýðingu fyrir þá sem eru að reyna að hætta að reykja eða nota önnur óæskileg efni og vonandi verður CBD notað í meðferðum í framtíðinni.

Við húðsjúkdómum

Mikið hefur verið rannsakað áhrif CBD á húð. Rannsóknir hafa sýnt að CBD hefur áhrif á exem, psoriasis, kláða, bólur og aðra bólgutengda sjúkdóma.

Þróun CBD varanna frá Healing Iceland byggir á nýjustu rannsóknum á virkni CBD og annarra kannabíóða. Línan inniheldur CBD olíu, serum, andlitskrem og líkamskrem sem öll innihalda virka efnið CBD.

Hættur að finna fyrir ofsakvíða

Sigfús Ómarsson er einn af þeim sem hefur fundið fyrir gríðarlegum bótum á líðan sinni og lífi eftir að hann reyndi á mátt CBD frá Healing Iceland. Hann byrjaði að taka CBD í febrúar á þessu ári en hann segir að ástæðan hafi verið sú að hann var að drepast í skrokknum og hann var ekki sem bestur á andlegu hliðinni. Hann byrjaði að finna fyrir undraverðum áhrifum eftir einungis fjóra daga.

Sigfús hefur þjáðst af verkjum út af gömlum meiðslum og tekið lyf við ofsakvíða og þunglyndi í tvö ár. „Ég lenti í bílslysi fyrir mörgum árum síðan og braut þrjá hryggjaliði. Það var eiginlega kraftaverk að ég lenti ekki í hjólastól, en þetta hefur háð mér alla tíð síðan. Ég hef síðan þá verið mjög slæmur í skrokknum og átt það til að festast í bakinu. Þá fékk ég uppáskrifað frá lækni Klósabix, sem er hraðvirkandi vöðvaslakandi lyf sem virkar þegar ég festist í bakinu. Ég var líka helslæmur af beinhimnubólgu og þetta líkamlega ástand hamlaði mér í að hreyfa mig.

Ég var líka ofsakvíðasjúklingur í ofanálag og hafði „self-medicateað“ mig með lyfjum í nokkur ár. Þegar það rann af mér fór ég að taka eftir þessu. Ég lenti í vanda og var settur á kvíða- og þunglyndislyf. Þá fékk ég uppáskrifað frá lækni Certral og Flúoxitín,“ segir Sigfús.

Gat hlaupið eins og vindurinn

Fyrr á árinu ákvað Sigfús, í samráði við lækni, að vinna að því að skipta út lyfjunum fyrir CBD. „Ég var búinn að heyra mikið af CBD í langan tíma og eiginlega ótrúlega hluti. Yfirleitt er það þannig að ef eitthvað er of gott til að vera sátt, þá er það oftast of gott til að vera satt. En ég ákvað að slá til og prófa í febrúar á þessu ári. Ég trappaði mig niður á kvíða- og þunglyndislyfjunum á sama tíma í samráði við lækni. Í desember í fyrra byrjaði ég líka að taka inn hreyfingu í rútínuna. Að skipta út lyfjum fyrir CBD er ein gáfulegasta ákvörðun sem ég hef nokkru sinni tekið. Í apríl gat ég lagt kvíða- og þunglyndislyfjunum á hilluna og eftir fjóra daga á CBD var ég alveg hættur að finna fyrir beinhimnubólgunni. Ég gat orðið hlaupið eins og vindurinn og þetta hafði undraverð áhif á mig.“

Smitandi árangur

Í dag er Sigfús eingöngu að nota CBD vörur og alveg hættur á verkjalyfjum og kvíða- og þynglyndislyfjum. „Ég nota allt í senn olíuna, andlitskremið og serumið. Þetta eru ekki ódýrar vörur en þær virka lygilega vel. Ég var áður oft mjög þrútinn í andlitinu og með dökka bláa bauga undir augunum. Það heyrir sögunni til með CBD. Ég er mun betri í húðinni og baugarnir eru farnir. Þetta er eiginlega alveg ótrúlegt. Fólkið í kringum mig hefur tekið eftir miklum breytingum í mínu fari og systir mín og móðir eru báðar búnar að kaupa alla línuna fyrir sjálfar sig. Sama er með vini mína. Þegar einn byrjar að nota CBD þá smitar það út frá sér. Fólkið sem er næst manni tekur eftir breytingunum og vill prófa líka.“

Breytti lífi mínu

„Ég finn ekkert fyrir andlegu hliðinni og líður vel í dag andlega. Bakverkir eru þó ekki alveg farnir enda út af gömlum meiðslum, en þeir eru mun minni. Ég hef til dæmis ekki festst í bakinu síðan ég byrjaði á CBD. Ég finn gífurlegan mun á mér á þessu tæpa ári sem ég hef tekið CBD. Þetta eru frábærar vörur og þær hafa breytt lífi mínu. Ég er í endurhæfingu núna. Svo er ég búinn að skrá mig í skóla, en ég ætla að taka upprifjun enda ekki verið í skóla í þrjátíu ár. Svo er planið að fara á málmiðnaðarbraut í Tækniskólanum eða Borgarholtsskóla,“ segir Sigfús, vongóður um framhaldið.

Healing Iceland heldur úti fróðlegri Facebooksíðu þar sem hægt er að skoða reynslusögur og fróðleiksmola um CBD og notkunarmöguleika þess: Healing Iceland á Facebook. Einnig er hægt að hafa þar samband við Sigurð Kr. Sigurðsson, söluaðila og ráðgjafa fyrir Healing Iceland. Healing Iceland vörurnar fást á healingiceland.is.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Kynning
27.07.2021

Myndform blandar sér í orkudrykkina

Myndform blandar sér í orkudrykkina
Kynning
23.07.2021

Plaköt af verkum Samúels til sölu til uppbyggingar Samúelssafnsins í Selárdal: Hans var aldrei getið í íslenskri listasögu

Plaköt af verkum Samúels til sölu til uppbyggingar Samúelssafnsins í Selárdal: Hans var aldrei getið í íslenskri listasögu
Kynning
22.06.2021

Gæði mannvirkja og sjálfbærnihugsun nátengd

Gæði mannvirkja og sjálfbærnihugsun nátengd
Kynning
22.06.2021

Hágæða rúm, borðstofuborð, sófaborð og stólar á fáránlegum afslætti hjá Vogue

Hágæða rúm, borðstofuborð, sófaborð og stólar á fáránlegum afslætti hjá Vogue
Kynning
11.06.2021
Boðhlaup BYKO
Kynning
16.04.2021

ELKO greiddi viðskiptavinum 10 milljónir kr. fyrir notuð raftæki árið 2020 og gefur út sína fyrstu samfélagsskýrslu

ELKO greiddi viðskiptavinum 10 milljónir kr. fyrir notuð raftæki árið 2020 og gefur út sína fyrstu samfélagsskýrslu
Kynning
16.04.2021

MOJU heilsuskotin komin til Íslands

MOJU heilsuskotin komin til Íslands