fbpx
Fimmtudagur 08.desember 2022
Kynning

Jethro Tull: á tónleikum í Hörpu í maí 2023

Kynning
Ritstjórn DV
Þriðjudaginn 22. nóvember 2022 12:20

Tónleikar Jethro Tull árið 2007. Mynd/Hörður

Ekki missa af Helstu tíðindum dagsins í pósthólfið þitt

Lesa nánar

Breska hljómsveitin Jethro Tull kemur fram í Eldborgarsal Hörpu fimmtudagskvöldið 4. maí 2023.

Sveitin hefur verið á ferð og flugi eftir að COVID-faraldurinn fór að fjara út og kemur fram á tónleikum sem bera yfirskriftina The Prog Years. Tónleikarnir í Eldborg bera sömu yfirskrift.

Miðasala hefst kl. 12 á hádegi fullveldisdaginn 1. desember á harpa.is og tix.is.

Jethro Tull í þrettánda sinn

Jethro Tull er ein vinsælasta og áhrifamesta framúrstefnurokksveit sögunnar. Hún hefur um dagana komið fram á um 3.000 tónleikum og selt yfir 60 milljónir hljómplatna sem margar hverjar marka tímamót, svo sem Aqualung og Thick as a Brick. Sveitin hefur verið sjö sinnum á Íslandi og komið fram á alls tólf tónleikum, þar af tíu sinnum í Reykjavík, einu sinni á Akureyri og einu sinni á Akranesi. Sveitin sýndi íslenskum áheyrendum og Eldborg/Hörpu sérstakan heiður og viðurkenningu með því að taka þar upp tónleika og gefa út á diski 2012: Thick as a brick: Live in Iceland.

Performer skipulagði sex Íslandsferðir Jethro Tull frá 2006 til 2016 og annast líka tónleikana í vor, segir Birgir Daníel Birgisson framkvæmdastjóri fyrirtækisins: „Ian Anderson, stofnandi, leiðtogi og lagahöfundur Jethro Tull, fer ekki dult með að honum og hljómsveitinni líður hér vel. Íslendingar taka sveitinni alltaf opnum örmum og aðdáendahópurinn stækkar við hverja heimsókn. Tónlistarveisla Jethro Tull í Hallgrímskirkju fyrir jólin 2016 er til að mynda mörgum afar minnisstæð og nú þyrstir okkur í nýja veislu!“

Ian Anderson í kunnuglegri sveiflu.

Glænýtt og nýlegt efni

„Jethro Tull er annars á mikilli siglingu og sendi nýlega frá sér fyrstu hljóðversplötuna í átján ár, The Zealot Gene. Sú fær afbragðs dóma, þykir að nokkru leyti tónlistarleg tilvísun í upphafsár sveitarinnar og komst inn á topp-10 vinsældalista í Bretlandi. Jethro Tull lætur ekki þar við sitja því væntanleg er ný hljóðversplata strax á vori komanda. Hún var tekin upp í júní og ágúst í sumar.

Gestir í Hörpu mega því gera ráð fyrir að heyra glænýtt og nýlegt efni í bland við þetta gamla og góða sem gert hefur hljómsveitina að því sem hún er. Sjálfur hef ég fylgst úr fjarlægð með Jethro Tull undanfarna mánuði og gerði ekki endilega ráð fyrir að Ísland kæmi upp í huga skipuleggjenda tónleikaferðalagsins. Svo var haft samband fyrir nokkrum vikum, allt fór á fleygiferð og samningar tókust um tónleika 4. maí 2023,“ segir Birgir Daníel að lokum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Kynning
20.09.2022

Mazda CX-60 PHEV: Frumsýning laugardaginn 24. september í Reykjavík

Mazda CX-60 PHEV: Frumsýning laugardaginn 24. september í Reykjavík
Kynning
19.09.2022

Íslensk steinefni sem slegið hafa í gegn!

Íslensk steinefni sem slegið hafa í gegn!
Kynning
16.08.2022

Allt fyrir skólann á Boozt

Allt fyrir skólann á Boozt
Kynning
02.06.2022

Brimborg stærst í rafbílum í maí og stærst fyrstu fimm mánuði ársins

Brimborg stærst í rafbílum í maí og stærst fyrstu fimm mánuði ársins
Kynning
14.02.2022

Skutlast fyrir fólk og fyrirtæki

Skutlast fyrir fólk og fyrirtæki
Kynning
11.02.2022

Rómantíkin er í Reykjavíkurblómum

Rómantíkin er í Reykjavíkurblómum