Bósal ehf. er mest í innflutningi á hjólhýsum, húsbílum, vörubílum, vinnuvélum, vinnubílum, tengivögnum, rútum, fólksbílum, raf- og hybridbílum, jeppum og raun öllu í þessum geira. „Ég er í beinum samskiptum við marga af helstu framleiðendum og get boðið betri verð en umboðin í mörgum tilfellum. Til dæmis eru hjólhýsin frá mér um 700.000–1.400.000 krónum ódýrari en hjá umboðunum. Í vörubílum og lúxusbílum getur munað nokkrum milljónum. Ég get pantað flestar gerðir af nýjum MAN og Mercedes-Benz vörubifreiðum sem og fólksbifreiðum,“ segir Bóas Eðvaldsson hjá Bósal.
Bóas hefur verið í bransanum í hátt í 25 ár. „Ég bjó lengi í Danmörku og Þýskalandi og kom heim 2009. Þá höfum við kona mín búið á Seyðisfirði og rekum þar einnig tvö gistiheimili, Studioguesthouse og Nordmarina guesthouse, svo að við höfum nóg pláss fyrir gesti og viðskiptavini.“
„Til gamans má geta þess þar sem að snjóar nánast daglega hér í vetur þá verð ég að grobba mig aðeins að MAN-vörubifreiðarnar 8×8, sem rutt hafa einn erfiðasta fjallveg á landinu, Fjarðarheiðina á milli Seyðisfjarðar og Egilsstaða, með góðum árangri í mörg ár eru sérpantaðir hjá okkur. ÞS verktakar, Þröstur Stefánsson var með bláan MAN sem mokaði heiðina í um 10 ár og svo keypti Ylur á Egilsstöðum, Sigþór Halldórsson, nýjan MAN hjá mér í fyrravetur sem ryður nú sinn annan vetur. Sá bíll er rauður og sést ágætlega í snjónum oftast nær. Ég sérpantaði einnig einn öflugasta snjómoksturbíl landsins, Mercedes-Benz 8×8, fyrir Haka í Neskaupstað, Svein Einarsson, sem ruddi Oddskarðið, milli Neskaupstaðar og Eskifjarðar, í tíu ár. Oddskarðið er mjög erfiður fjallvegur en sem betur fer eru komin flott göng í dag sem er bylting fyrir Norðfirðinga og fyrir okkur Austfirðinga alla. Síðan hafa farið snjóruðningsbílar frá okkur á Vopnafjörð, Raufarhöfn, Akureyri, Patreksfjörð, Hólmavík og víðar.“
Hjólhýsasumar 2020
Fólk er þegar byrjað að panta hjólhýsi og húsbíla fyrir sumarið og Bóas mælir með að það sé gert fyrr en seinna til að fá þann búnað sem fólk vill. „Ég get útvegað bíla og hjólhýsi með stuttum fyrirvara, eða allt að tveggja vikna fyrirvara, en þá er um standard eða lagervöru að ræða sem er oft á tíðum ekki með þann búnað sem hentar íslenskum aðstæðum 100%. Ég er mjög mikið í því að sérpanta hjólhýsi og húsbíla með aukabúnaði eins og betra miðstöðvarkerfi, sterkari öxla og stærri eða sterkari dekk og margt fleira sem hentar betur fyrir íslenskar aðstæður.
Burðargeta hjólhýsa er mjög lítil í standard húsi og húsin oft fulllestuð þegar gaskútar og annar útilegubúnaður er komin í þau. Þar af leiðandi getur verið meira um sprungin dekk og önnur vandamál. Það getur verið erfitt að fá hjólhýsi af lager með þeim búnaði sem Íslendingar vilja, enda að miklu leyti framleidd fyrir lönd þar sem ekki þarf að hugsa um vonda vegi eða kulda á íslenskum sumarnóttum. Þá er sjaldnast um að ræða 12 volta rafgeymakerfi í húsum erlendis. Það eru því þónokkur atriði sem þarf að huga að við kaup og pöntun á hjólhýsum og bílum.“
Fáðu afhent fyrir austan, sunnan eða erlendis
Afhendingarmöguleikar á öllum vörum frá Bósal eru mismunandi eftir því sem hentar hverjum og einum. „Ég get ýmist afhent fyrir austan, sunnan, norðan eða vestan, jafnvel erlendis ef það hentar frekar. Margir af okkar viðskiptavinum byrja sumarfríið hér fyrir austan. Einnig hef ég afhent viðskiptavinum hjólhýsi og bíla erlendis á númerum til að byrja fríið þar og koma svo með Norrænu heim. Ég reyni eftir bestu getu að veita góða þjónustu og flestir viðskiptavinir eru, að ég held, afar sáttir.“
Nánari upplýsingar á vefsíðunni bosal.is
Fylgstu með á facebook: Bósal innflutningur
Bósal, Hafnargötu 28, 710 Seyðisfirði
Sími: 777-5007
