SkonRokk var í upphafi hugarfóstur trommuleikarans ljúfa Bigga Nielsen, sem leikið hefur með mörgum af vinsælustu hljómsveitum síðustu tveggja áratuga. Fyrsta giggið voru svakalegir rokktónleikar í Höllinni í Vestmannaeyjum, þar sem rokkað var „til heiðurs sjómönnum“.
Sleggjurnar í rokkinu
Í ár ætlum við að vera í Silfurbergi í Hörpu og í Hofi á Akureyri og setjum fókusinn svolítið á stelpurnar í rokkinu. Sigga Guðna og Stefanía Svavars verða með okkur, ásamt Bigga „Gildru“ Haralds, Stebba Jak og Magna.
Tónleikarnir verða haldnir 18. apríl kl. 20:00
Miðaverð: 7.900.-
Nældu þér í miða á þessa frábæru tónleikaveislu á tix.is!
Við munum á næstu vikum gefa óljósar vísbendingar inná Facebook síðunni okkar, en við viljum ekki ljóstra of miklu upp því að tónleikagestir verða að fá að upplifa á sjálfum tónleikunum. Við lofum hinsvegar gegjaðri upplifun og kynngimögnuðu kvöldi sem þú mátt ekki að missa af.
Síðustu ár hafa verið haldnir SkonRokkstónleikar í Reykjavík og á Akureyri og það nánast á hverju ári. Einnig hefur Hammondhátíðin á Djúpavogi verið heimsótt og Sjóarinn síkáti í Grindavík en segja má að heimavöllurinn hafi verið Höllin í Eyjum, en þar hefur hópurinn nánast verið á hverju ári frá upphafi og verkefnið orðið að gæluverkefni Bigga og Bjarna Ólafs (Dadda), sem rak Höllina í um áratug.
SkonRokkshópinn í ár skipa:
Magni Ásgeirsson – söngur, Birgir Haraldsson – söngur, Stefán Jakobsson – söngur, Stefanía Svavarsdóttir – söngur og Sigríður Guðnadóttir – söngur.
Birgir Nielsen – trommur, Ingimundur Óskarsson – bassi, Stefán Örn Gunnlaugsson –hljómborð, Einar Þór Jóhannsson – gítar, Sigurgeir Sigmundsson – gítar,
Þetta verður sem sagt þéttur og hæfileikaríkur hópur sem á það sameiginlegt að elska ROKK þar sem töfrararnir verða til og töffararnir líka.
Umsjón: Stóra sviðið ehf