Arnór Hermannsson er einn þeirra sem hafa nýtt sér sérfræðiþjónustu Kreativ Dental Clinic og ber tannsérfræðingum þessarar ungversku tannmeðferðarstofu vel söguna. Hann fór til Búdapest í október 2017 með konu sinni, Helgu Jónsdóttur, til þess að ráða bót á vanda sínum.
„Alltaf meðvitaður um útlit mitt“
Arnór átti ekki sjö dagana sæla enda vantaði hann nokkrar tennur sem gerði eðlilegustu hluti eins og að tyggja og hlæja vandasama. „Mér var farið að líða mjög illa andlega út af ástandi mínu og alltaf meðvitaður um útlit mitt. Ég gat ekki hlegið eðlilega því það vantaði framtennur, auk þess vantaði jaxla og það var hreinlega erfitt að tyggja matinn með þeim fáu tönnum sem eftir voru. Ég var frekar slæmt tilfelli og hafði alls ekki efni á að láta gera þetta á Íslandi. Ég var því orðinn úrkula vonar um bót á mínum málum.“
„Get ekki lýst tilfinningunni“
Það var þá sem Arnór frétti af Kreativ Dental Clinic. „Ég las grein í dagblaði, sem leiddi mig síðar á heimasíðu þeirra. Ég fór til Búdapest í fyrstu heimsókn í október 2017. Það var vel tekið á móti mér og eftir skoðun var orðið ljóst að það þurfti að gera margt til þess að koma tönnunum í samt form. Ég þurfti 7 implanta, slatta af krónum og 2 brýr. Ég get varla lýst tilfinningunni þegar tannlæknarnir á KDC færðu mér þær fréttir að allt þetta væri hægt að laga. Þetta tæki þó sinn tíma því góðir hlutir gerast hægt. Og þegar ég las verkáætlun þeirra með öllum kostnaði þá varð gleðin ekki minni. Verðmunurinn var gífurlegur, allt að 50–70% ódýrara en á Íslandi.“
Stórkostlegur árangur
Arnór ber tannsérfræðingum Kreativ Dental Clinic vel söguna. „Þegar kom að tannsmíðinni þá gat ég ekki verið hjá betri smiðum. Kreativ Dental Clinic hefur fjölda tannsmiða á sínum snærum og eru þeir allir í byggingunni. Ég sendi þeim myndir af mér á ýmsum aldursskeiðum sem sýndu tennur mínar eins og þær voru áður en ég missti þær. Þeir notuðu myndirnar sem viðmið og smíðuðu tennur út frá þeim. Árangurinn varð stórkostlegur. Þökk sé snilld þessara tannsmiða fékk ég tennur sem eru nákvæmlega eins og þær sem ég missti. Tannsmíðin hjá Kreativ Dental var gerð í nokkrum skrefum og eftir hvert skref var allt mátað og tannsmiðirnir fóru yfir verkið með mér og tannlækninum áður en smíðinni var haldið áfram. Þegar kom að postulínskrónunum var allt mátað upp á nýtt og farið yfir lit og lögun tanna með postulínssérfræðingi tannsmíðaverkstæðisins og tannlækninum mínum. Ef allir eru sáttir er smíðin kláruð, ef ekki þá er hægt að gera breytingar áður en lengra er haldið. Ég hef ekki heyrt um tannlæknastofu sem er með eigið tannsmíðaverkstæði af þessum gæðum innanhúss, heldur senda þær flestar verk sín á tannsmíðaverkstæði úti í bæ og koma þau fullkláruð til baka og þurfa þá að passa. Það er þáttur tannsmiða Kreativ Dental í mínu ferli sem ég er hvað ánægðastur með og var það mjög traustvekjandi að fá að vera með í öllu ferlinu með tannlækninum og tannsmiðunum. Fátt hefur glatt mig meira en árangur þessara tannlæknaferða til Kreativ Dental Clinic í Búdapest.“
