Húsasmíði Húseiningar markar tímamót á íslenskum fasteignamarkaði og framleiðir fyrirtækið meðal annars glæsileg einbýlis- og sumarhús sem eru afhent fullbúin.
Húsasmíðin er í fararbroddi þegar kemur að íslenskri framleiðslu heilsárshúsa sem eru í senn falleg, vönduð, traust og standast íslenskar aðstæður, veður og vinda. „Fullsamsettu húsin frá Húseiningu eru alfarið byggð innanhúss og þegar þau eru tilbúin til afhendingar eru þau hífð upp á sérútbúinn flutningavagn inni í verksmiðjunni og flutt á byggingarstað. Kaupandinn getur svo flutt inn 2-4 dögum eftir að við slökum húsinu á sökklana. Húseining framleiðir einnig húseiningar fyrir allar stærðir einbýlishúsa sem og sumarhús og fást einingarnar afhentar við verksmiðjudyr. Hjá okkur færðu allt á einum stað, því við framleiðum einnig sökklana undir húsin. Það besta við þetta er að verðið kemur þægilega á óvart,“ segir Kjartan Ragnarsson, sölu- og markaðsstjóri Húseiningar.
Verksmiðja Húseiningar að Vogum er einstök á landsvísu og býður upp á bestu aðstæður sem völ er á til framleiðslu tilbúinna húsa innandyra. „Við getum framleitt þar allt að 120 fermetra einbýlishús/sumarhús. Ef um parhús er að ræða eru þau framleidd sem tvö hús og koma saman á sökklunum þannig að bílageymslurnar mætast og mynda eina heild, eða samtals 240 fermetra parhús. Húsin afhendast fullbúin með öllum innréttingum, heimilis- og hreinlætistækjum, gólfefnum, rafmagni, hitakerfi og vatnskerfi. Aldrei fyrr hefur verið boðið upp á slíka möguleika hér á landi í svo stórum húsum.“
Það eru fjórir lykilþættir þegar kemur að kostum þess að framleiða fullbúið hús í verksmiðju, tilbúið til flutnings:
Smáhýsi, minni og stærri
Smáhýsin frá Húseiningu eru frábær lausn fyrir þá sem vilja koma sér upp dásamlegum griðastað í náttúrunni, eða vilja auka gistimöguleika við núverandi sumarbústaði. Um er að ræða annars vegar vönduð, fulleinöngruð 14,99 til 17 fermetra hús, með baðherbergi og forsteyptum sökkulundirstöðum. Einnig er um að ræða 24,74 til 39,9 fermetra hús,, með 35 fermetra verönd. Húsin eru afgreidd frá verksmiðju fullsamsett.
Sumarhús í einingum
Húseining býður upp á 65 til 111 fermetra sumarhús, sem fást afhent í einingum við verksmiðjudyr. Einingarnar eru klæddar láréttri báru og eru húsin afar fljótreist. Einingar koma með gluggum og hurðum, fullglerjuðum. Þakvirki, þakkantur, allar festingar fyrir reisingu, einangrun rakasperra og lagnagrind fylgja, ásamt öllum efnispakka fyrir alla milliveggi.
Smart einbýli minni og stærri Samsettu Smart einbýlin frá Húseiningu koma í tveimur stærðum. Annars vegar þriggja herbergja 73 fermetra hús og hins vegar er fjögurra herbergja 87,5 fermetra hús. Í þeim eru tvö til þrjú svefnherbergi, eldhús, bað og stofa. Húsin koma fullsamsett frá verksmiðju með vönduðum innréttingum. Báðar gerðir eru með hita í gólfi, forsteyptum sökkulundirstöðum og með 20 fermetra verönd með heitum potti.
Einbýlishús í einingum
Húseining framleiðir einnig húseiningar fyrir allar stærðir einbýlishúsa sem afgreiddar eru við verksmiðjudyr. Einingar koma með gluggum og hurðum, fullglerjuðum. Þakvirki, þakkantur, allar festingar fyrir reisingu, einangrun rakasperra og lagnagrind fylgja, ásamt öllum efnispakka fyrir alla milliveggi. Einingarnar eru klæddar láréttri báru og eru húsin afar fljótreist. Einnig eru einingar til afstúkunar á bílageymslu og brunahurð milli bílageymslu og aðalrýmis, auk bílskúrshurðar með járnum.
Láttu drauminn verða að veruleika með húsi frá Húseiningu. „Verðið er ótrúlega gott því hagræðing við smíðarnar er mikil. Við vöndum til allra verka og útkoman er ómótstæðileg í nýju, sterku og fallegu einbýli. Við bjóðum áhugasama kaupendur velkomna í heimsókn í verksmiðju Húseiningar í Vogum.“
Húseining ehf. er í Hraunholti 1, 190 Vogum.
Sími 770-5144.
Nánari upplýsingar á huseining.is og á netfanginu kjartan@huseining.is.
