Gúmmísteypa Þ. Lárusson ehf. mun í maí 2019 ganga frá kaupum á stórum lager færibandareima frá IBH. Framleiðandi reimanna er svissneska fyrirtækið Habasit.

Sérfræðingar í færiböndum og gúmmíi

Eigandi fyrirtækisins er Þorsteinn Lárusson og Berglind Steinunnardóttir er framkvæmdastjóri. Gúmmísteypan hefur verið starfrækt í hartnær 70 ár.

„Á þessum árum höfum við þjónustað útgerðaraðila, sveitarfélög, verktaka, stóriðju, vélsmiðjur og fyrirtæki í verslun og þjónustu. Við erum sérfræðingar í framleiðslu og uppsetningu á færiböndum og hvers kyns vörum úr gúmmíi,“ segir Berglind.

Blómstrandi viðskipti

Í maí 2017 bættust við færibönd úr plasti fyrir matvælaiðnað þegar Gúmmísteypan keypti Reimar og bönd ehf. Sú viðskipti hafa blómstrað og er Gúmmísteypan enn að bæta við sig.

„Frá því við keyptum Reimaþjónustuna hefur stefnan verið að vera með allar gerðir færibanda á lager. Með þessari viðbót er það nú orðið að veruleika,“ segir Berglind.

Með þessari viðbót mun Gúmmísteypan sækja í sig veðrið í svokölluðum kubbaböndum (e. modular belts) auk þess að auka úrval á framboði annarra reima fyrir matvælaiðnað.

Gúmmísteypan er staðsett að Gylfaflöt 3, 112 Reykjavík

Nánari upplýsingar má finna á gummisteypa.is

Sími: 567-4467

Netpóstur: gummisteypa@gummisteypa.is

Fylgstu með okkur á facebook: Gúmmísteypa Þ. Lárusson