Grettir Vatnskassar er sannkallað fjölskyldufyrirtæki sem hvílir á gömlum grunni. Fyrirtækið rekur sögu sína aftur til blikksmiðju sem stofnuð var árið 1938. Það skiptist síðan í tvennt árið 1998 en þá stofnaði Ingibergur Ingibergsson Gretti Vatnskassa. Fyrirtækið sérhæfir sig í viðgerðum á vatnskössum en flytur auk þess inn vatnskassa og bensíntanka frá mörgum af stærstu og virtustu framleiðendum í Evrópu: Nissens, NRF, GM Radiator og Ava-Cooling.

Þau systkini, Margrét og Helgi, Ingibergsbörn, ólust upp við vatnskassaviðgerðir og hafa nú tekið við fyrirtækinu af föður sínum, Ingibergi, sem þó starfar þar enn og miðlar af mikilli og langri reynslu og þekkingu.

Að sögn Ingibergs er algengara að vatnskassar í bílum stíflist í dag en áður fyrr: „Það er vegna þess að í flestum gerðum er vatnsgangurinn orðinn mikið grennri og tæringarútfellingar einnig meiri vegna þess að það mikið meira af áli í vélum en áður tíðkaðist og mikið meira rafmagn.“

Helgi Ingibergsson bendir á að gömul húsráð við bilunum í vatnskössum dugi skammt og geti jafnvel torveldað viðgerð: „Ég mæli ekki með því að nota tyggjó eða kaffitorg í vatnskassana. Það gerir okkur erfiðara fyrir við að laga hlutina. Ég mæli frekar með því að losa lokið af kassanum og minnka þannig þrýsting á vatnskerfinu.“

Helgi segir enn fremur að frostlögur sé góð forvörn við bilun í vatnskössum og mælir hann með því að bílaeigendur skipti um frostlög á þriggja ára fresti.

Þau systkini, Margrét og Helgi, eru nánast alin upp á verkstæði föður síns en bæði Margrét og Ingibergur eru auk þess lærðir blikksmiðir. „Þetta er ekta fjölskyldufyrirtæki og samstarfið gengur mjög vel. Við höfum verið innan um þetta frá barnæsku og vitum því vel hvað við erum að gera,“ segir Helgi.

Óhætt er að segja að bilaðir vatnskassar eru í góðum höndum hjá fjölskyldunni í Gretti Vatnskössum. Fyrirtækið er til húsa að Vagnhöfða 6, 110 Reykjavík. Nánari upplýsingar eru veittar í síma 557 6090. Heimasíðan