fbpx
Laugardagur 29.nóvember 2025

„Sá sem er ábyrgur fyrir þessu veðri óskast handtekinn“

Lögreglan á Suðurnesjum lofar skilvísum finnanda pylsu og kók

Auður Ösp
Fimmtudaginn 11. maí 2017 18:00

Ekki missa af Helstu tíðindum dagsins í pósthólfið þitt

Lesa nánar

Lögreglan á Suðurnesjum er allt annað en sátt við hráslagalegt veður undanfarna daga enda gaf veðrið um síðustu helgi fyrirheit um sumar og sól. Embættið hefur því gripið til sinna ráða og hyggst hafa hendur í hári sökudólgsins.

Auglýsing sem birt var á fésbókarsíðu lögreglunnar fyrr í dag hefur vakið mikla kátínu en þar óskar lögreglan eftir því að handtaka þann aðila sem ber ábyrgð á veðrinu undanfarna daga.

„Sá sem finnur þann sem er ábyrgur fyrir þessu veðri skal færa kauða til lögreglunnar í flugstöð Leifs Eiríkssonar,“ kemur fram í tilkynningunni og lofar lögreglan að sökudólginum verði vísað úr landi þegar í stað. Þá er skilvísum finnanda lofað pylsu og kók í fundarlaun.

Augljóst er að þessi óvenjulega auglýsing fellur vel í kramið hjá fylgjendum lögreglunnar á fésbókinni en í athugasemdum undir færslunni er slegið á létta strengi. Þannig játa nokkrir fylgjendur hiklaust á sig sökina á meðan aðrir benda á vini og kunningja og hvetja þá til að stíga fram og játa á sig „glæpinn.“

Einn netverji reynir að koma sökinni yfir á hinn landsþekkta veðurfræðing Sigurð Þ. Ragnarsson eða Sigga Storm og annar kveðst hafa gefið sig fram fyrir löngu. Óskar sá hinn sami eftir því að vera sendur til Kanaríeyja. Annar netverji er með nafn sökudólgsins á hreinu:

„Hún heitir Lægð og er frá Grænlandi. Svo er besti vinur hennar Kári sonur Kuldabola,þau standa þétt saman og mjög erfitt að handsama þau.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 9 klukkutímum

Sakar Stefán Einar um að misnota Morgunblaðið – „Þetta lið hlær að ykkur“

Sakar Stefán Einar um að misnota Morgunblaðið – „Þetta lið hlær að ykkur“
433Sport
Fyrir 9 klukkutímum

Stjórinn undir pressu og tvö áhugaverð nöfn á blaði

Stjórinn undir pressu og tvö áhugaverð nöfn á blaði
Pressan
Fyrir 11 klukkutímum

„Hann sveik hvern einasta Bandaríkjamann sem hjálpaði honum að komast hingað“

„Hann sveik hvern einasta Bandaríkjamann sem hjálpaði honum að komast hingað“
433Sport
Fyrir 11 klukkutímum

Einn besti leikmaður City að verða samningslaus – Guardiola segir að hann ráði för

Einn besti leikmaður City að verða samningslaus – Guardiola segir að hann ráði för
Eyjan
Fyrir 13 klukkutímum

Orðið á götunni: Engin leið að hætta! Guðlaugur Þór íhugar að renna sér út á hála ísinn og leggja ferilinn að veði

Orðið á götunni: Engin leið að hætta! Guðlaugur Þór íhugar að renna sér út á hála ísinn og leggja ferilinn að veði
Pressan
Fyrir 14 klukkutímum

Bróðurdóttir Trumps segir tvennt útskýra framkomu frænda hennar í garð fjölmiðlakvenna

Bróðurdóttir Trumps segir tvennt útskýra framkomu frænda hennar í garð fjölmiðlakvenna