Skjót viðbrögð manns urðu til þess að hann lét ekki lífið þegar ökumaður missti stjórn á bíl sínum sem skall á ljósastaur á fleygiferð. Það má segja að þarna hafi hurð skollið nærri hælum.
Þessi óvenjulega uppákoma átti sér stað í Brasilíu á dögunum, þar sem ungur maður sat í makindum sínum á kassa við rólega götu í landinu. Á myndbandinu sést þegar bifreiðn kemur á ógnarhraða inn götuna. Maðurinn verður fljótt var við bílinn og sér að ökumaðurinn er í vandræðum. Það verður til þess að hann stendur upp og forðar sér frá því að verða fyrir bifreiðinni. Ljóst er að mjög illa hefði getað farið.
Eftir að bíllinn staðnæmdist við ljósastaur kom maðurinn hlaupandi út aftur og athugaði með líðan farþega. Ekki fylgir sögunni hver næstu skref urðu.
Sjáðu myndbandið hér að neðan:
