fbpx
Fimmtudagur 19.september 2019  |

DV - Frjáls og óháður miðill

Orðið á götunni

Eplin falla við eikurnar

Vandræðaleg þögn

Björn Þorfinnsson
Föstudaginn 14. desember 2018 11:30

Logi og Ágúst Ólafur á hátíðarfundi Alþingis á Þingvöllum í sumar.

Ekki missa af Helstu tíðindum dagsins í pósthólfið þitt

Lesa nánar

Vika er langur tími í pólitík. Klaustursfárviðrið er rétt gengið yfir þó að gera megi ráð fyrir að einhverjar vindhviður muni gjósa upp næstu vikur og mánuði út af mögulegri glímu uppljóstrarans Báru Halldórsdóttur við íslenskt réttarkerfi. Óvíst er hvort Bára verði sú sem þarf að gjalda þá byltu dýru verði.

Strax gýs upp nýr stormur og ekki síður alvarlegur. Alþingismaðurinn Ágúst Ólafur Ágústsson sendir frá sér yfirlýsingu þess efnis að hann ætli að fara í tveggja mánaða leyfi vegna óeðlilegra samskipta við blaðamanninn Báru Huld Beck. Síðar kemur í ljós að túlkun, eða öllu heldur, upplifun Ágústs Ólafs á atburðarásinni er talsvert léttvægari en upplifun Báru Huldar. Óvíst er hvort þingmaðurinn eigi afturkvæmt á Alþingi, rétt eins og þingmenn Miðflokksins sem einnig fóru í leyfi.

Öll þessi umræða verður til þess að eldra mál gýs upp á yfirborðið. Meint kynferðisleg áreitni fyrrverandi Alþingismannsins Helga Hjörvars í garð nokkurra kvenna. Sögusagnir um slíka háttsemi þingmannsins hafa lengi grasserað án þess að þær hafi birst á síðum fjölmiðla áður.

Þegar DV og Stundin kepptust við að birta fréttir upp úr Klaustursupptökunum þá var lítill skortur á fordæmingu Samfylkingarfólks. Logi Einarsson, formaður Samfylkingarinnar, vandaði sexmenningunum ekki kveðjurnar. Þá lýsti hann því yfir að hann treysti sér ekki til þess að senda fundarboð á Sigmund Davíð Gunnlaugsson vegna fundar formanna stjórnarandstöðuflokka sem fram fór í síðustu viku. Vandlæting Loga var algjör. Flokkssystir hans, Helga Vala Helgadóttir, tók sama pól í hæðina. Þegar Sigmundur Davíð fór í ræðupúlt Alþingis og þingkonan Þórunn Egilsdóttir gekk út úr fundarsal Alþingis þá eygði Helga Vala tækifæri til þess að komast í fjölmiðla og rauk einnig á dyr.

Þögn þessa sama fólks í tengslum við mál Ágústs Ólafs og Helga er nánast ærandi. Logi hefur neitað að tjá sig um hvort Ágúst eigi afturkvæmt á Alþingi og hefur nálgast málið líkt og jólaköttur í kringum heitan möndlugraut. DV hefur ítrekað reynt að ná tali af Loga síðustu daga vegna málsins og hefur blaðið fengið þau skilaboð að formaðurinn hafi sagt allt sem hann vill segja um málið. Sömu sögu er að segja af Oddnýju Harðardóttur, fyrrverandi formanni Samfylkingar, sem hefur ekki svarað DV vegna málsins.

Það skal enginn halda öðru fram að en að allir þingmenn Samfylkingarinnar hafi vitað af málum Helga sem og máli Ágústs. Þögnin er vandræðaleg en hræsnin beinlínis yfirgengileg.

Leiðari helgarblaðs DV

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 1 klukkutíma

„Hvaða gagn gerir siðanefnd Alþingis ef þingmenn taka ekki nokkurt mark á henni?“

„Hvaða gagn gerir siðanefnd Alþingis ef þingmenn taka ekki nokkurt mark á henni?“
433Sport
Fyrir 1 klukkutíma

Kristján hefur lengi starfað í faginu: Hælbeinið farið að vera til vandræða – „Af­leiðing­arn­ar geta verið al­var­leg­ar“

Kristján hefur lengi starfað í faginu: Hælbeinið farið að vera til vandræða – „Af­leiðing­arn­ar geta verið al­var­leg­ar“
433Sport
Fyrir 4 klukkutímum

Skaut á stjórann eftir slæman hálfleik: ,,Hefðum átt að breyta þessu“

Skaut á stjórann eftir slæman hálfleik: ,,Hefðum átt að breyta þessu“
Pressan
Fyrir 4 klukkutímum

Yfirmaðurinn bauð góðan dag með orðunum – „Góðan dag píkur“

Yfirmaðurinn bauð góðan dag með orðunum – „Góðan dag píkur“
Pressan
Fyrir 13 klukkutímum

Og verðlaunin fyrir tilgangslausustu vísindarannsókn ársins hlýtur . . . .

Og verðlaunin fyrir tilgangslausustu vísindarannsókn ársins hlýtur . . . .
433
Fyrir 13 klukkutímum

Barkley ætlar að taka næsta víti: ,,Hefði tekið annað í sama leiknum“

Barkley ætlar að taka næsta víti: ,,Hefði tekið annað í sama leiknum“
433Sport
Fyrir 14 klukkutímum

PSG fór illa með Real Madrid – Endurkoma Atletico gegn Juventus

PSG fór illa með Real Madrid – Endurkoma Atletico gegn Juventus
433Sport
Fyrir 14 klukkutímum

Álagið reyndist of mikið fyrir Jón Jónsson: ,,Þeir voru mjög hissa þegar ég sagði þeim að það væri æfing“

Álagið reyndist of mikið fyrir Jón Jónsson: ,,Þeir voru mjög hissa þegar ég sagði þeim að það væri æfing“